બિહારના છપરા જીલ્લાથી નવમાં ધોરણની વિદ્યાર્થીની સાથે સાત મહિનાથી ગેંગરેપ થવાનો સનસનીખેજ મામલો સામે આવ્યો છે. આ મામલે કુલ 18 લોકો વિરુદ્ધ કેસ નોંધવામાં આવ્યો છે અને છ લોકોની ધરપકડ કરવામાં આવી છે. ધરપકડ કરવામાં આવેલ લોકોમાં શાળાના પ્રિસિપલ, એક ટીચર અને બે સગીર બાળકોનો સમાવેશ છે.
પીડિતાના જણાવ્યા પ્રમાણે તેની સાથે ડિસેમ્બર મહિનાથી હેવાનિયતની કરી રહ્યાં હતા, પરંતુ પોલીસની પાસે તે શુક્રવારના રોજ જઈ શકી હતી. કારણ કે તેના પિતા થોડા મહિનાથી જેલમાં હતા. પીડિતાએ પોતાની એફઆઈઆરમાં 18 લોકોને આરોપી બનાવ્યા છે. ડિસેમ્બરમાં સ્કૂલના કેટલાંક વિદ્યાર્થીઓએ સ્કૂલના શૌચાલયમાં જ તેના પર સામૂહિક બળાત્કાર કર્યો અને વીડિયો બનાવી લીધો. પીડિતાને એ પણ ખબર નહોતી કે શૌચાલયમાં તેના પર કેટલાં છોકરાઓએ દુષ્કર્મ આચર્યું હતું.
પીડિતાએ કહ્યું કે તેને આ ઘટનાની ફરિયાદ સ્કૂલના પ્રિન્સિપાલ સાથે કરી, પરંતુ પ્રિન્સિપાલ કાર્યવાહી કરવાના બદલે પોતે પણ બે શિક્ષકોની સાથે રેપ કરવા લાગ્યા. સારણ એસપી દરકે કિશોર રાયે કહ્યું કે પીડિતાએ 18 લોકોના નામ બતાવ્યા જેમાં 15 વિદ્યાર્થીઓ સામેલ છે. એસપી એ કહ્યું કે 14 આરોપી ભાગી ગયા છે, પરંતુ તેમને પકડવા માટે દરોડા પાડવામાં આવી રહ્યાં છે.
હાલ મેડિકલ તપાસ માટે છોકરીને સારણથી છપરા લાવામાં આવી. શનિવારના રોજ કોર્ટના નિવેદન આપવા હાજર કરાશે. સૂત્રોના મતે પીડિતાના પિતા થોડાંક દિવસ પહેલાં જ જામીન પર જેલમાંથી નીકળ્યા છે.