કાશ્મીરમાં ખરાબ હવામાન અને ભારે વરસાદ ચાલુ, મંગળવારે તમામ શાળાઓ બંધ રહેશે

Kashmir weather updates- કાશ્મીરમાં ભારે વરસાદને કારણે કેટલીક જગ્યાએ ભૂસ્ખલન અને પૂરની સ્થિતિ સર્જાઈ છે. વહીવટીતંત્રે લોકોને હાલમાં NH 44 પર મુસાફરી ન કરવાની સલાહ આપી છે. દરમિયાન મંગળવારે શાળાઓ બંધ રાખવાનો નિર્ણય લેવામાં આવ્યો છે.

લોકોને માત્ર તેમના ઘરોમાં જ રહેવાની સલાહ આપવામાં આવી હતી. વરસાદના કારણે જનજીવન અસ્તવ્યસ્ત થઈ ગયું છે. ભારે વરસાદને કારણે ઘણી જગ્યાએ ભૂસ્ખલન થયું છે જેના કારણે કિશ્તવાડ વિસ્તારમાં જમ્મુ શ્રીનગર નેશનલ હાઈવે બંધ કરી દેવામાં આવ્યો છે.

હવામાન વિભાગના જણાવ્યા અનુસાર, પશ્ચિમ હિમાલયમાં 30 એપ્રિલ સુધી હળવાથી મધ્યમ વરસાદ અને હિમવર્ષાની સંભાવના છે, સાથે કેટલીક જગ્યાએ ભારે વરસાદની સંભાવના છે. જો કે આ પછી પણ હળવો વરસાદ ચાલુ રહેશે