નુંહ હિંસાના આરોપીનું એન્કાઉન્ટર

નૂહ હિંસાના અન્ય આરોપીને પકડવા ગયેલી પોલીસ સાથે એન્કાઉન્ટરનો મામલો સામે આવ્યો છે. વાશિમ પર 25,000 રૂપિયાનું ઈનામ હતું અને તેની સામે લૂંટ અને હત્યા સંબંધિત અનેક કેસ નોંધાયેલા હતા. અગાઉ પણ એન્કાઉન્ટર બાદ બે આરોપીઓની ધરપકડ કરવામાં આવી હતી.

એન્કાઉન્ટરમાં વસીમને પગમાં ગોળી વાગી હતી, ત્યારબાદ પોલીસે તેની ધરપકડ કરી હતી . વાશિમની તૌરુના અરવલ્લીમાં ધરપકડ કરવામાં આવી છે. તેને સારવાર માટે નલ્હાર મેડિકલ હોસ્પિટલમાં દાખલ કરવામાં આવ્યો હતો. કહેવામાં આવી રહ્યું છે કે તે નૂહ હિંસાના મુખ્ય આરોપી હતા.

ગત 6 ઓગસ્ટ સુધી પોલીસ કાર્યવાહીમાં 104 FIR નોંધવામાં આવી હતી અને  216 આરોપીઓની ધરપકડ કરાઈ હતી. જ્યારે વધુ 88 લોકોની અટકાયત કરવામાં આવી હતી. આ તમામની પૂછપરછ કરવામાં આવી રહી છે.

તે જ સમયે, સોશિયલ મીડિયા પર અફવા ફેલાવવા બદલ 10 લોકોની ધરપકડ કરવામાં આવી હતી. જ્યારે ગુરુગ્રામ જિલ્લામાં હિંસા અંગે શુક્રવાર સુધીમાં 27 FIR નોંધવામાં આવી છે અને 38 લોકોની ધરપકડ કરવામાં આવી છે