Amul Milk: અમૂલના તાજા દૂધ એટલે કે પેકેટવાળા દૂધના ચાહકોની કોઈ કમી નથી. પરંતુ અત્યાર સુધી તેની ઉપલબ્ધતા માત્ર દેશમાં જ હતી. અમૂલનું તાજું દૂધ પ્રથમ વખત ભારતની બહાર ઉપલબ્ધ થશે. વાસ્તવમાં, ગુજરાત કોઓપરેટિવ મિલ્ક માર્કેટિંગ ફેડરેશન (GCMMF)એ તેને અમેરિકન માર્કેટમાં મોકલવાની તૈયારી કરી લીધી છે.આ માટે ફેડરેશને અમેરિકાના મિશિગન મિલ્ક પ્રોડ્યુસર્સ એસોસિએશન (MMPA) સાથે પાર્ટનરશિપ કરી છે.
આ દૂધ ભારતની બહાર પ્રથમ વખત ઉપલબ્ધ થશે
GCMMF કહે છે કે સંસ્થા ઘણા દાયકાઓથી ડેરી ઉત્પાદનોની નિકાસ કરી રહી છે. પરંતુ, આ પહેલીવાર છે જ્યારે તે ભારતની બહાર તાજું દૂધ આપી રહ્યો છે. આ માટે 108 વર્ષ જૂના મિશિગન મિલ્ક પ્રોડ્યુસર્સ એસોસિએશન સાથે કરાર કરવામાં આવ્યો છે. ત્યાં MMPA દૂધના સંગ્રહ અને પ્રક્રિયા માટે જવાબદાર રહેશે અને GCMMMF તેને અમૂલ ફ્રેશ મિલ્ક તરીકે બ્રાન્ડ કરશે. આ સંસ્થા તેનું માર્કેટિંગ પણ કરશે.