મહાકુંભમાં ભયાનક લાગી આગ, તંબુઓ સતત બળી રહ્યા છે

પ્રયાગરાજ મહાકુંભ મેળા વિસ્તારના શાસ્ત્રી બ્રિજ સેક્ટર-19 કેમ્પમાં આજે ભીષણ આગ લાગવાના સમાચાર છે. કહેવામાં આવી રહ્યું છે કે રસોઈ બનાવતી વખતે સિલિન્ડરમાં વિસ્ફોટ થયો, ત્યારબાદ આગ આસપાસના સમગ્ર વિસ્તારમાં ફેલાઈ ગઈ.

મહાકુંભમાં ભીષણ આગ ફાટી નીકળી હતી. ટેન્ટમાં રાખેલા સિલિન્ડર સતત બ્લાસ્ટ થઈ રહ્યા છે. 20 થી 25 ટેન્ટ બળી ગયા છે. અખાડાથી આગળના રોડ પર લોખંડના પુલ નીચે આ આગ લાગી હતી. ફાયર બ્રિગેડ ઘટનાસ્થળે પહોંચી ગઈ છે.

મહા કુંભ મેળા સેક્ટર નંબર 19 બ્રિજ નંબર 12 પાસે ઝુંસી રેલ્વે લાઇનની નીચે ગીતા પ્રેસ કેમ્પમાં ભીષણ આગ ફાટી નીકળી હતી. સ્થાનિક લોકોએ જણાવ્યું કે સિલિન્ડર વિસ્ફોટના કારણે આગ લાગી હતી. જ્યાં આગ લાગી ત્યાં 500 લોકો હાજર હતા. 

<

#WATCH | Prayagraj, Uttar Pradesh | A fire breaks out at the #MahaKumbhMela2025. More details awaited. pic.twitter.com/pmjsAq9jkA

— ANI (@ANI) January 19, 2025 >

આ આગ એટલી વિકરાળ છે કે કાળા ધુમાડાએ આસપાસના વિસ્તારને ઘેરી લીધો છે અને વિસ્તારને ખાલી કરાવવામાં આવ્યો છે. ફાયરના જવાનોએ આસપાસના વિસ્તારને સુરક્ષિત કરી લીધો છે. આ ઘટનાનો એક વીડિયો પણ સામે આવ્યો છે, જેને ટ્રેનમાં હાજર મુસાફરોએ ઉપરથી રેકોર્ડ કર્યો હતો. હાલ રાહત અને બચાવ કામગીરી ચાલી રહી છે અને આગ લાગવાના કારણની તપાસ કરવામાં આવી રહી છે.