ભારતના ખાસ મહેમાન અમેરિકાથી આવી રહ્યા છે. આ ભારતના આકાશી કદનો પરિચય છે જેનો શ્રેય ચોક્કસ ભારતના નેતા પીએમ મોદીને જાય છે. આ વિશ્વના ટોચના નેતાઓમાં મોદીનું નામ સામેલ છે. ડોનાલ્ડ ટ્રમ્પ તેમના વિશેષ અતિથિ બનીને ભારત આવી રહ્યા છે. અમેરિકાના રાષ્ટ્રપતિ પોતાની સુપર કાર સાથે ગુજરાતના પ્રવાસે આવી રહ્યા છે.
ડોનાલ્ડ ટ્રંપની યાત્રામાં સૌથી ખાસ તૈયારી કરવામાં આવી રહી છે તેમની સુરક્ષાની તૈયારીઓ. આ તૈયારીઓ બંને તરફથી થઇ રહી છે. જ્યાં એક તરફ ભારત સરકાર અને ગુજરાત અમેરિકન રાષ્ટ્રપતિની યાત્રાની સુરક્ષા તૈયારીઓ એવી કરી રહી છે કે ફરકી પણ ન શકે તો બીજી તરફ ડોનાલ્ડ ટ્રંપ પણ પોતાની સાથે સુરક્ષા ટુકડી લઇને આવી રહ્યા છે જેમાં તેમની સુપરકાર પણ સામેલ છે.
ડોનાલ્ડ ટ્રંપની કાર છે સુપરકાર. જેનું નામ છે આર્મર્ડ લિમોજીન. તેને ધ બીસ્ટ પણ કહેવામાં આવે છે. આ કાર બે વર્ષ પહેલાં અમેરિકાના રાષ્ટ્રપતિના કાફલામાં સામેલ કરવામાં આવી હતી. ધ બીસ્ટ રોડ પર ટ્રંપ માટે કોઇ ઓફિસની માફક છે અને સુરક્ષાની દ્વષ્ટિએ આ દુશ્મનો માટે ટેન્ક કરતાં વધુ ખતરનાક છે.તેને એ પ્રકારે બનાવામાં આવી છે કે કોઇપણ તેને નુકસાન પહોંચાડવાનો પ્રયત્ન કરે તો પણ તેમાં બેઠેલા રાષ્ટ્રપતિનો વાળ પણ વાંકો ન થાય. એન્જીનથી માંડીને બોડી સુધી આ કાર એવા મેટલમાંથી બનાવવામાં આવી છે કે તેના પર કોઇ બંદૂક, ગોળી, બોમ્બ, રોકેટની કોઇ અસર થશે નહી.