મોડેલિંગમાંથી અભિનયની દુનિયામાં આવેલી દીપિકાએ સાબિત કર્યુ કે તેને અભિનય કરતા પણ આવડે છે. દીપિકાની ફિલ્મો ઉપરાંત પત્રિકાઓની પણ પસંદ છે. વર્ષ 2010માં 'હાઉસફુલ' અને 'કાર્તિક કોલિંગ કાર્તિક', 'લફંગે પરિન્દે', 'બ્રેક કે બાદ', અને 'ખેલે હમ જી જાન સે'માં તેણે પોતાના અભિનયથી બધાને પ્રભાવિત કર્યા.
ફિલ્મો ઉપરાંત દીપિકા રોમાંસને કારણે પણ સતત ચર્ચાનો વિષય બની રહે છે. રણબીરની સાથે 'બ્રેકઅપ' પછી વર્તમાન સમયમાં એ વ્યવસાયી વિજય માલ્યાના પુત્ર સિદ્ધાર્થ માલ્યાની સાથે ઈશ્કના પેચ લડાવી રહી છે. સાંભળવા મળ્યુ છે કે તેઓએ 2011ની પાર્ટી પણ એક સાથે ઉજવી અને તેનુ સ્વાગત કર્યુ અને એ પણ લંડનમાં. જો કે આ સમાચાર વિશે દીપિકા ચૂપ છે.
નવ ફિલ્મોમાં જુદી જુદી પડકારરૂપ ભૂમિકાઓ નિભાવનારી દીપિકાનુ કહેવુ છે કે 'હુ તો હાલ એટલુ જ જાણુ છુ કે મેં જ્યાથી શરૂઆત કરી હતી ત્યાંથી આજે આગળ નીકળી ચુકી છુ. પણ છતા આ મારી શરૂઆત જ છે અને મારે હજુ ઘણું સાબિત કરવાનુ છે. મને મારા પ્રત્યે ઘણી આશાઓ છે અને હું ખૂબ જ મહત્વાકાંક્ષી છુ.'
ચાર વર્ષમાં નવ ફિલ્મો કરનારી દીપિકા બોલીવુડ નિર્દેશકોની વિશેષ પસંદગી છે. દીપિકાની આ વર્ષે રજૂ થનારી ફિલ્મો 'દેશી બોયઝ', 'આરક્ષણ' અને 'હાઉસફુલ-2'ની સાથે જ ફિલ્મ 'દમ મારો દમ'મા અતિથિ કલાકાર તરીકે આવશે. તે ઘણા જાણીતા નિર્દેશકો સાથે કામ કરી રહી છે. દીપિકાને તેના જન્મદિવસની શુભેચ્છાઓ...