EVM-VVPAT Case- EVMની સાથે VVPAT નો ઉપયોગ કરીને પડેલા મતોની સંપૂર્ણ ક્રોસ-વેરિફિકેશનની માંગ કરતી અરજીઓ આજે સુપ્રીમ કોર્ટે ફગાવી દીધી છે. એસોસિએશન ફોર ડેમોક્રેટિક રિફોર્મ્સ (એડીઆર) સંગઠન અને કેટલાક અન્ય લોકોએ સુપ્રીમ કોર્ટમાં અરજી કરી હતી જેમાં EVM સાથે VVPAT સ્લિપનું 100 ટકા મેચિંગ કરવાની માંગ કરવામાં આવી હતી.
ચૂંટણી પંચે બેન્ચને કહ્યું હતું કે EVM અને VVPAT સાથે કોઈ ચેડાં શક્ય નથી. પંચે સર્વોચ્ચ અદાલતને મશીનોની સુરક્ષા, તેમની સીલિંગ અને તેમના પ્રોગ્રામિંગ વિશે પણ જાણ કરી હતી.
VVPAT સાથે સ્લિપને મેચ કરવાને લઈને સુપ્રીમ કોર્ટે મોટો નિર્ણય સંભળાવ્યો છે. કોર્ટે આજે EVMની સાથે VVPAT નો ઉપયોગ કરીને પડેલા મતોની સંપૂર્ણ ક્રોસ-વેરિફિકેશનની માંગ કરતી અરજીઓને ફગાવી દીધી હતી.
જસ્ટિસ સંજીવ ખન્ના અને જસ્ટિસ દીપાંકર દત્તાની બેન્ચે આ સંબંધમાં દાખલ કરવામાં આવેલી અનેક પીઆઈએલ પર પોતાનો ચુકાદો આપ્યો છે. એસોસિએશન ફોર ડેમોક્રેટિક રિફોર્મ્સ (એડીઆર) સંગઠન અને કેટલાક અન્ય લોકોએ સુપ્રીમ કોર્ટમાં અરજી કરી હતી જેમાં EVM સાથે VVPAT સ્લિપનું 100 ટકા મેચિંગ કરવાની માંગ કરવામાં આવી હતી.
બેલેટ પેપર દ્વારા ચૂંટણી કરાવવાની માંગ નકારી, ઉમેદવાર માટે એક છૂટ
કોર્ટે એમ પણ કહ્યું કે ઉમેદવાર પરિણામોના 7 દિવસની અંદર ઈવીએમના માઇક્રોકન્ટ્રોલરની ચકાસણી માટે ફી ચૂકવીને ફરીથી ગણતરીની માંગ કરી શકે છે. આ સાથે કોર્ટે બેલેટ પેપર દ્વારા ચૂંટણી કરાવવાની માંગને પણ ફગાવી દીધી હતી.
બેન્ચે શું કહ્યું
જસ્ટિસ સંજીવ ખન્ના અને દીપાંકર દત્તાની બેન્ચે આ કેસમાં બે સર્વસંમતિથી ચુકાદો આપ્યો હતો.
ચુકાદો આપતા જસ્ટિસ ખન્નાએ કહ્યું કે કોર્ટે તમામ અરજીઓ ફગાવી દીધી છે, જેમાં ચૂંટણીમાં બેલેટ પેપરનો આશરો લેવા માંગતી અરજીઓ પણ સામેલ છે.