Maharashtra કોંગ્રેસને મોટો ફટકો, અશોક ચવ્હાણે કોંગ્રેસમાંથી રાજીનામું આપ્યું

Lok Sabha Elections 2024- લોકસભા ચૂંટણી પહેલા મહારાષ્ટ્રમાં કોંગ્રેસને મોટો ઝટકો લાગ્યો છે. મહારાષ્ટ્રના પૂર્વ મુખ્યમંત્રી અને કોંગ્રેસના વરિષ્ઠ નેતા અશોક ચવ્હાણે પાર્ટીમાંથી રાજીનામું આપી દીધું છે.

લોકસભાની ચૂંટણી પહેલા કોંગ્રેસને ફટકો પડતા મહારાષ્ટ્રના પૂર્વ મુખ્યમંત્રી અશોક ચવ્હાણે સોમવારે પાર્ટીમાંથી રાજીનામું આપી દીધું છે.તેવી અટકળો ચાલી રહી છે કે તેઓ ભારતીય જનતા પાર્ટી (BJP)માં જોડાઈ શકે છે.

રાષ્ટ્રીય કોંગ્રેસના પ્રમુખ નાના પટોલેને લખેલા પત્રમાં ચવ્હાણ (65)એ કહ્યું કે તેઓ પાર્ટીના પ્રાથમિક સભ્યપદમાંથી રાજીનામું આપી રહ્યા છે. તેમણે વિધાનસભા અધ્યક્ષ રાહુલ નાર્વેકરને ધારાસભ્ય પદેથી રાજીનામું પણ સુપરત કર્યું હતું.

ચવ્હાણે કોંગ્રેસ છોડી તેના થોડા દિવસો પહેલા મહારાષ્ટ્ર કોંગ્રેસના વરિષ્ઠ નેતાઓ બાબા સિદ્દીકી અને મિલિંદ દેવરાએ પણ પાર્ટી છોડી દીધી હતી.ચવ્હાણ ભાજપમાં જોડાવા અંગેની અટકળો વચ્ચે મહારાષ્ટ્રના નાયબ મુખ્યપ્રધાન દેવેન્દ્ર ફડણવીસે પત્રકારોને કહ્યું, "આગળ વધો. જુઓ શું થાય છે.

ચવાણ મરાઠવાડા ક્ષેત્રમાં નાંદેડ પ્રદેશમાંથી આવે છે. તેમના પિતા સ્વર્ગસ્થ શંકરરાવ ચવ્હાણ પણ મહારાષ્ટ્રના મુખ્યપ્રધાન હતા.અશોક ચવ્હાણે 2010માં મુંબઈમાં આદર્શ હાઉસિંગ કૌભાંડમાં તેમની કથિત સંડોવણીને લઈને મુખ્ય પ્રધાન પદેથી રાજીનામું આપ્યું હતું. તેઓ 2014-19 સુધી પ્રદેશ કોંગ્રેસ અધ્યક્ષ પણ હતા.