14 વર્ષના વૈભવે 35 બોલમાં સદી ફટકારી: IPLમાં સેન્ચુરી મારનારો સૌથી યુવા ખેલાડી

IPLની 47મી મેચમાં ગુજરાત ટાઇટન્સે રાજસ્થાન રોયલ્સને 210 રનનો લક્ષ્યાંક આપ્યો હતો. રાજસ્થાને જયપુરના સવાઈ માનસિંહ સ્ટેડિયમમાં બોલિંગ કરવાનું પસંદ કર્યું. ગુજરાતે 4 વિકેટ ગુમાવીને 209 રન બનાવ્યા. શુભમન ગિલે 84 અને જોસ બટલરે 50 રન બનાવ્યા. રાજસ્થાન તરફથી મહેશ તીકશનાએ 2 વિકેટ લીધી. સંદીપ શર્મા અને જોફ્રા આર્ચરને 1-1 વિકેટ મળી

રાજસ્થાન રોયલ્સે 13 ઓવરમાં 1 વિકેટ ગુમાવીને 174  રન બનાવ્યા. ટીમ તરફથી યશસ્વી જયસ્વાલ અને નીતિશ રાણા મેદાનમાં છે. વૈભવ સૂર્યવંશી 101 રન બનાવીને આઉટ થયો હતો, તે પ્રસિદ્ધ કૃષ્ણના હાથે બોલ્ડ થયો.

14 વર્ષના વૈભવે 17 બોલમાં અડધી સદી અને 35 બોલમાં સદી ફટકારી. તે IPLના ઇતિહાસમાં સદી ફટકારનાર સૌથી નાની ઉંમરનો ખેલાડી બની ગયો. તેણે 18 મી સિઝનમાં સૌથી ઓછા બોલમાં ફિફ્ટી પણ ફટકારી હતી. તે સૌથી ઓછા બોલમાં સદી ફટકારનાર ભારતીય પણ બન્યો. કુલ મળીને તેણે બીજી સૌથી ઝડપી સદી ફટકારી.

કરીમ જન્નતનો ડેબ્યૂ કર્યો ખરાબ  

 વૈભવ સૂર્યવંશીની ખતરનાક બેટિંગનો અંદાજ એ વાત પરથી લગાવી શકાય છે કે તેણે એક પણ જીટી બોલરને છોડ્યો નહીં. પોતાની ઇનિંગ દરમિયાન, વૈભવે કરીમ જન્નતની ઇનિંગ પણ બગાડી દીધી, જે આ મેચમાં IPLમાં ડેબ્યૂ કરી રહ્યો હતો. તેણે કરીમ જન્નતની પહેલી જ ઓવરમાં 30 રન બનાવ્યા. 

વૈભવની ઇનિંગનો ઉત્સાહ એટલો હતો કે રાજસ્થાનના કોચ રાહુલ દ્રવિડ પણ ઉભા થઈ ગયા, જે અત્યાર સુધી વ્હીલચેર પર બેઠેલા હતા. તેમણે બંને હાથ ઊંચા કરીને વૈભવનું મનોબળ વધાર્યું. અડધી સદી સાથે ઘણી સિદ્ધિઓ વૈભવ સૂર્યવંશીએ પોતાની અડધી સદી પૂર્ણ કરતાની સાથે જ ઘણી સિદ્ધિઓ હાંસલ કરી. તેણે IPLની આ સિઝનની સૌથી ઝડપી અડધી સદી ફટકારી. 

વૈભવએ રાજસ્થાન રોયલ્સ માટે બીજી સૌથી ઝડપી અડધી સદી ફટકારી. આ સાથે, ગુજરાત  ટાઇટન્સ સામે આ આઈપીએલમાં સૌથી ઝડપી અડધી સદી છે. એટલું જ નહીં, તે IPLમાં અડધી સદી ફટકારનાર સૌથી યુવા બેટ્સમેન પણ બની ગયો છે.