IPLમાં આજની મેચ સનરાઈઝર્સ હૈદરાબાદ અને રાજસ્થાન રોયલ્સ વચ્ચે રમાઈ રહી છે. હૈદરાબાદે ટોસ જીતીને બોલિંગ પસંદ કરી હતી. રાજસ્થાને 210 રન બનાવ્યા હતા. ટાર્ગેટનો પીછો કરતા હૈદરાબાદે 16 ઓવરમાં 6 વિકેટે 81 રન બનાવી લીધા હતા. તેમનો ટોપ ઓર્ડર ફ્લોપ રહ્યો છે.
પાવર પ્લેની વાત કરીએ તો સનરાઇઝર્સ હૈદરાબાદે પ્રથમ 6 ઓવરમાં 3 વિકેટ ગુમાવીને માત્ર 14 રન બનાવ્યા હતા. આઈપીએલના ઈતિહાસમાં પાવર પ્લેમાં આ સૌથી ઓછો સ્કોર છે. અગાઉનો રેકોર્ડ રાજસ્થાનનો હતો. જેણે 2009માં બેંગ્લોર સામે 6 ઓવરમાં 14 રન બનાવ્યા હતા, પરંતુ 2 વિકેટ ગુમાવી દીધી હતી.
RRની બેટિંગની વાત કરીએ તો તેના કેપ્ટન સંજુ સેમસને 55 રનની શાનદાર ઇનિંગ રમી હતી. આ ઉપરાંત પડિક્કલ (41) અને હેટમાયર (33)એ પણ સારી બેટિંગ કરી હતી. હૈદરાબાદના બોલરો નો બોલથી લડતા જોવા મળ્યા હતા. પ્રથમ 5 ઓવરમાં 4 નો બોલ નાખવામાં આવ્યા હતા, જોસ બટલર પણ એક રને આઉટ થયો હતો. જીવનદાન મળ્યા બાદ બટલરે 35 રનની ઇનિંગ રમી હતી.