IPL 2022ની 39મી મેચમાં રાજસ્થાન રોયલ્સે રોયલ ચેલેન્જર્સ બેંગ્લોરને 29 રનથી હરાવ્યું હતું. આરસીબીને 145 રનનો ટાર્ગેટ મળ્યો હતો, જેના જવાબમાં ટીમ નિર્ધારિત ઓવર પણ રમી શકી ન હતી અને 115 રન પર ઓલઆઉટ થઈ ગઈ હતી. ટીમનો એક પણ ખેલાડી 25 રનનો આંકડો પણ પાર કરી શક્યો નહોતો વિરાટ કોહલી ફરી એકવાર નિષ્ફળ સાબિત થયો જ્યારે મેક્સવેલ- ફાફ ડુ પ્લેસીસ કે કાર્તિક પણ સારુ પ્રદર્શન કરી ન શક્યા. RR તરફથી અશ્વિને 3 અને કુલદીપ સેને 4 વિકેટ ખેરવી હતી. અશ્વિને IPLમાં 150 વિકેટો હાંસલ કરી છે.
ફાફ ડુ પ્લેસિસ (23) સૌથી વધુ સ્કોરર રહ્યો હતો. આરઆર તરફથી કુલદીપ સેને 4 અને રવિચંદ્રન અશ્વિનના ખાતામાં 3 વિકેટ લીધી હતી. સેમસનની આગેવાની હેઠળની ટીમ પોઈન્ટ ટેબલમાં 12 પોઈન્ટ સાથે પ્રથમ સ્થાને પહોંચી ગઈ છે. રાજસ્થાને 8 માંથી 6 મેચ જીતી છે અને 2 હારી છે
સાથે જ બેંગલુરુની 9 મેચોમાં આ ચોથી હાર હતી. ટીમે 5 મેચ જીતી છે. આ પહેલા ટોસ હારીને બેટિંગ કરતા રાજસ્થાને 8 વિકેટે 144 રન બનાવ્યા હતા. રિયાન પરાગે સૌથી વધુ 56 રનની અણનમ ઇનિંગ રમી હતી. આરસીબી તરફથી જોશ હેઝલવુડ અને મોહમ્મદ સિરાજે 2-2 વિકેટ લીધી હતી.
ટોસ હાર્યા બાદ પ્રથમ બેટિંગ કરતા રાજસ્થાને 8 વિકેટે 144 રન બનાવ્યા હતા. રિયાન પરાગે સૌથી વધુ 56 રનની અણનમ ઇનિંગ રમી હતી. RCB તરફથી જોશ હેઝલવુડ અને મોહમ્મદ સિરાજે 2-2 વિકેટ લીધી હતી.