ઈંડિયન પ્રીમિયર લીગ 11માં આજના પ્રથમ મુકાબલામાં ચેન્નઈ તરફથી પ્રથમ બેટિંગનું આમંત્રણ સ્વીકાર્યા પછી બેંગલોરની શરૂઆત ખૂબ જ ખરાબ રહી. તેના સ્ટાર બેટ્સમેન અને કપ્તાન વિરાટ કોહલી સહિત અને એબી ડિવિલિયર્સ સહિત ત્રણ વિકેટ ગુમાવી દીધા છે. ઓપનર બ્રેંડન મૈકમલ બીજી જ ઓવરમાં આઉટ થઈ ગયા. બીજા ઓપનર પાર્થિવ પટેલ અને મનદિપ સિંગ ક્રીઝ પર છે. બેંગલોરનો સ્કોર હાલ 7 ઓવરમાં 3 વિકેટ પર 59 રન છે.
ઈંડિયન ટી20 લીગમાં એકવાર ફરીથી ચેન્નઈ સામે હશે બેંગલોરની ચેલેંજ. આ ટી20 લીગ હવે જેમ જેમ પોતાના અંતિમ પડાવ તરફ વધી રહી છે રોમાંચ પણ પોતાના ચરમ પર જોવા મળ્યો છે. અત્યાર સુધી કુલ 34 મેચ રમાય ચુકી છે અને લીગ મેચમાં હવે બસ 22 મુકાબલા બચ્યા છે. પણ અત્યાર સુધી ન તો કોઈ ટીમ પ્લે ઓફની દોડમાંથી બહાર થઈ છે કે ન તો કોઈ એક ટીમે અંતિમ 4માં પોતાનુ સ્થાન નિશ્ચિત કર્યુ છે. ત્રણ વાર આ લીગની રનર અપર રહી ચુકેલી બેંગલોર સામે પોતાની બધી બાકીની મેચો જીતીને પ્લે ઓફની રેસમાં કાયમ રહેવાનો પડકાર છે. બૈગલોરે 8 મુકાબલામાંથી ફક્ત 3માં જીત મેળવી છે. જ્યાર પછી તેમની સામે હવે બચેલ બધી 6 મેચોમાં જીતની જરૂર છે.
જો તેઓ અહી એક પણ મેચ હાર્યા તો તેમને માટે નૉક આઉટમાં પ્રવેશ કરવાના બધા રસ્તા બંધ થઈ જશે. બીજી બાજુ મહેન્દ્ર સિંહ ધોનીની કપ્તાનીવાળી ટીમે આમ તો અત્યાર સુધી કમાલનુ પ્રદર્શન કર્યુ છે અને 9 મેચમાં 6 જીત સાથે પોઈંટ ટેબલમાં બીજા પગથિયે છે. પણ હજુ પણ પ્લે ઓફની ટિકિટ તેના હાથમાં આવી નથી. આવામાં પોતાની કેટલીક ભૂલોથી આ ટીમે કંઈક શીખવુ પડશે. ટીમને ડેથ ઓવરોમાં વધુ રન બનાવવાની જરૂર છે. જ્યારે કે ફિલ્ડિંગમાં પણ ઘણો સુધાર કરવો પડશે.