ગુજરાતના નવા મુખ્યમંત્રી માટે નીતિન પટેલનું નામ સામે આવ્યું અને રાજકીય વર્તૂળો તો ફાઈનલ નામ નીતિન પટેલ જ છે તેવું કહી રહ્યા છે ત્યારે ખુદ નીતિન પટેલે કહ્યું કે, જનતા અને પાર્ટીઓના લોકોને વિશ્વાસ છે એટલે નામ બોલી રહ્યા છે. નીતિન પટેલના ઘરે તો ખુશીનો માહોલ છવાઈ ગયો છે. તેમના પત્નીએ તો મીઠાઈની મિજબાની પણ કરી નાખી છે.
પોતાનું નામ નવા મુખ્યમંત્રી તરીકે દરેકના જીભે આવી રહ્યું છે ત્યારે ખુદ નીતિન પટેલ આ અંગે કહે છે કે, લોકો, કાર્યકરો, પાર્ટીના નેતાઓ, ધારાસભ્યો વગેરેનો પોતાના પર વિશ્વાસ છે તેના કારણે તેમનું નામ લેવાઈ રહ્યું છે. ધારાસભ્યો અને પાર્ટીના ઉચ્ચ નેતાઓ, પાર્ટી અધ્યક્ષ અને નિરીક્ષકો આવશે અને બેઠક કરવામાં આવશે ત્યાર બાદ જે નામ સામે આવશે તે જ બનશે નવા મુખ્યમંત્રી. ધારાસભ્યો સાથે ચર્ચા કરવામાં આવશે અને તેઓ કહેશે તેની પસંદગી કરવામાં આવશે. નીતિન પટેલના પત્ની સુલોચનાબેનના જણાવ્યા અનુસાર, ઘરમાં ખુશીનો માહોલ જોવા મળી રહ્યો છે પરંતુ તેઓ છેલ્લા ઘણા વર્ષોથી પાર્ટીએ અનેક જવાબદારીઓ આપી છે તે અનુસાર કામ કર્યું છે. હવે તેઓ મુખ્યમંત્રી બનવા જઈ રહ્યા છે ત્યારે પણ કઈ જુદું લાગતું નથી. જે કામ કર્યું છે તે જ કામ કરવાનું યથાવત રાખવાનું છે.