ગોંડલ પંથકમાં હવામાનમાં અચાનક પલટો થયો હતો ગરમી બાદ બપોર પછી ગોંડલ, વીરપુર, જામવાડી સહિતના આજુબાજુના વિસ્તારમાં તોફાની પવન ફૂંકાતા મિનિ વાવાઝોડા જેવું દ્રશ્ય સર્જાયું હતું. અનેક સ્થળોએ ઝાડ અને હોર્ડિંગ્સ જમીનદોસ્ત થયા હોવાનું જાણવા મળી રહ્યું છે. ધોધમાર વરસાદથી ગોંડલના માર્ગો પર પાણી ફરી વળ્યા હતા. તેમજ વાતાવરણમાં ઠંડક પ્રસરી જતા લોકોએ ગરમીમાં રાહતનો શ્વાસ લીધો હતો.