મુખ્યમંત્રી અને વીવીઆઈપીની સલામતિની જાનના જોખમે જવાબદારી નિભાવતા 575 કર્મચારીઓને 45 ટકા હાઈરિસ્ક પે-એલાઉન્સ આપવાનો નિર્ણય રાજયના ગૃહમંત્રાલય દ્વારા કરવામાં આવ્યો છે.
મુખ્યમંત્રીની સુરક્ષામાં 170 જેટલા કર્મચારીઓ યુનિટ-1માં છે બાકીના બધા એટલે કે 405 કર્મચારીઓ વીવીઆઈપી મંત્રીઓની સલામતિમાં જોડાયેલા છે. જાનના જોખમે રાઉન્ડ ધ કલોક ફરજ બજાવનાર આ કર્મચારીઓને 3000 પિયાથી લઈને 7000 પિયા સુધીનો માસિક વધારો મળવાપાત્ર બનશે. એક અંદાજ મુજબ માસિક બનતા પગારબિલમાં જે 1 કરોડ 45 લાખની આસપાસનું છે તે બે કરોડના આંકડાને આંબી જશે. લાંબા સમયથી આ મુદ્દો વિચારાધિન હતો. અગાઉ આ હાઈરિસ્ક એલાઉન્સ પાંચમા પગારપંચ મુજબ ચૂકવાતું હતું તે હવે છઠા પગારપંચ મુજબ ચૂકવવામાં આવશે.