ગુજરાત પોલીસે ગઈકાલે સીરીયલ બ્લાસ્ટમાં માસ્ટર માઈન્ડ એવા અબુ બશરની ઉત્તર પ્રદેશમાંથી ધરપકડ કરી, કેસ ઉકેલવાનો દાવો કર્યો છે. તો હજી એક અન્ય આરોપી તૌકીરની પોલીસને હજુ શોધ છે. ત્યારે ભાજપે ગુજરાત રાજ્યનો આતંકવાદ વિરોધી કાયદો ગુજકોક મંજુર કરવા દબાણ કર્યું છે.
દિલ્હીમાં પત્રકારો સમક્ષ માહિતી આપતાં અરૂણ જેટલીએ જણાવ્યું હતું કે દેશનાં ઈતિહાસમાં પ્રથમવાર કોઈ રાજ્યની પોલીસે આતંકવાદી ઘટનાને ઉકેલ્યું છે. અને,તેમાં આતંકી સંગઠનનો માસ્ટર માઈન્ડ પણ પકડાઈ ગયો છે. તે સમયે કેન્દ્ર સરકારે પરિસ્થિતિની ગંભીરતા સમજીને ગુજરાત સરકારનાં આતંકવાદ વિરોધી ખાસ કાયદો ગુજકોક અને રાજસ્થાન સરકારે બનાવેલા આતંકવાદ વિરોધી કાયદા બનાવ્યા છે. જે રાજ્યની વિધાનસભાએ પસાર કરી દીધો છે. અને, તેને કેન્દ્રની મંજૂરી માટે મોકલી દેવામાં આવ્યો છે.
પણ કેન્દ્ર સરકાર તેને રાષ્ટ્રપતિની મંજૂરી માટે મોકલતી નથી. આજે દેશ સામે આતંકવાદની ખતરો આવી ઉભો રહ્યો છે. આતંકી હુમલામાં દરરોજ નિર્દોષ લોકો મૃત્યુ પામી રહ્યા છે. ત્યારે કેન્દ્રે તૃષ્ટિકરણની નીતિ છોડીને દેશહિતની ચિંતા કરવી પડશે.