કોલક્તા. આકાશમાં વાદળો હોવા છતાં શહેરમાં આંશિક સૂર્યગ્રહણ દેખાયું હતું. આ અનોખો નજારો જોવા માટે મોટી સંખ્યામાં લોકો પોજિશનલ અસ્ટ્રોનામી સેન્ટર તથા બિરલા પ્લાનિટોરીયમ કોમ્પલેક્ષ ખાતે એકઠા થયા હતા.
પૂર્વી વિસ્તારમાં લોકોએ સૂર્યગ્રહણ સાંજે ચાર કલાકને 18 મિનિટ તથા છ કલાકને બે મિનિટ વચ્ચે જોયું હતું. એમ.પી બિરલા પ્લેનેટોરિયમના નિર્દેશક ડી.પી.દુઆરીએ જણાવ્યું હતું કે, સર્વાધિક સૂર્યગ્રહણ સાંજે પાંચ કલાકને 15 મિનિટે જોવા મળ્યું હતું. તેમણે કહ્યું હતું કે, વેધશાળાના વૈજ્ઞાનિકોએ આ ઘટનાને તસ્વીરોમાં કેદ કરી છે. આ માટે તેમણે માયનર ફિલ્ટરની સાથે 4.6 ઇંચ તથા 2.5 ઇંચના વિશેષ દૂરબીનનો ઉપયોગ કર્યો હતો. તેમણે જણાવ્યું હતું કે, અનોખું એવું આ સૂર્યગ્રહણ આસાનીથી જોવા મળ્યું હતું. .