કોઇપણ સંબંધ શરતો પર નથી ટકતો. સંબંધોમાં પારદર્શિતા બહુ મહત્વની હોય છે. આ પારદર્શિતાની સાથે વિશ્વાસ અને એકબીજાનો સાથ પણ જરૂરી હોય છે. સંબંધોમાં એ જરૂરી નથી કે તમે એકબીજાના ગુલામ બની જાઓ. પણ એ આવશ્યક છે કે બે લોકો સાથે રહીને પણ આઝાદ રહી શકે. સંબંધ એકબીજાની આઝાદી નથી છીનવતો પણ એકબીજાને આઝાદી આપે છે. જો એક સાથી પોતાની ભાવનાઓ શેર કરવા ઇચ્છે છે તો બીજાની ફરજ છે કે તેનું આદર અને સન્માન કરે. આ સિવાય પણ સંબંધોમાં બીજું પણ ઘણું બધું મહત્વનું છે, તે જાણીએ...
- સ્વસ્થ સંબંધોમાં સૌથી મહત્વપૂર્ણ વાત એ છે કે બંને સાથી પરસ્પર નિર્ણયો એકસાથે કરે અને એકબીજાને વધુ ને વધુ સમજવાની કોશિશ કરે.
- બંને વ્યક્તિઓ વચ્ચે સામંજસ્ય હોવું જોઇએ જેના માટે જરૂરી છે કે બંને પરસ્પર ખૂબ વાતો કરે અને એકબીજાની દિનચર્ચા વિષે જાણે.
- નવા સંબંધોને મજબૂત બનાવવા માટે એકબીજાની પરિસ્થિતિઓને સમજવાની અને તેનો આદર કરવાની ભાવના જરૂરી છે.
- જરૂરી નથી કે તમે અને તમારો સાથે એકબીજાને સમજતા હોવ તો તમે બંને એકબીજા પર નિર્ભર રહો. એકબીજા પર નિર્ભર રહેવાને બદલે આત્મનિર્ભર બનો.
- સંબંધોમાં ઘણીવાર ગેરસમજણોને લીધે મનમોટાવ થઇ જાય છે. જે બંને માટે ખરાબ છે. આવામાં કમ્યુનિકેશન ગેપ ન રહેવો જોઇએ.
- ઘણીવાર મહિલાઓ વિચારે છે કે તેમનો પુરુષ સાથી માત્ર શારીરિક સંબંધ ઇચ્છે છે જે ખોટું છે. મહિલાઓનુ હંમેશા આવું વિચારવું સંબંધમાં તિરાડ સર્જી શકે છે. માટે તમારા સાથી પર વિશ્વાસ જાળવી રાખો તે જરૂરી છે.
- ક્યારેય તમને કે તમારા સાથીને એવું ન લાગવું જોઇએ કે બંને એકબીજા પર એકાધિકાર જમાવી રહ્યા છો અને તેમની આઝાદી છીનવી રહ્યાં છો.
- સંબંધોમાં મહત્વપૂર્ણ એ છે કે તમે માત્ર તમારા સાથીની ખૂબીઓની પ્રશંસા જ ન કરો પણ તેની નબળાઇને ઓળખી તેને દૂર કરવાના પ્રયાસ પણ કરો.
- સ્વસ્થ સંબંધ ત્યારે જ બની રહી શકે છે જ્યારે તમે એકબીજાનો આત્મવિશ્વાસ વધારો. જે તમારા જીવનમાં તાજગી અને નવીનતા લાવશે.
- પરસ્પર સંબંધોમાં ઇગો અને મારાપણાની ભાવનાને દૂર રાખો તો સારું રહેશે.