દક્ષિણ અમેરિકાના દેશ વેનેઝુએલામાં વરસાદના કારણે આવેલા પૂર અને ભૂસ્ખલનના કારણે ભારે વિનાશ થયો છે. અહીંની પાંચ નાની નદીઓમાં પૂર આવ્યું, જેના કારણે 25 લોકોના મોત થયા અને 52 લોકો લાપતા છે. સિટીઝન સિક્યુરિટી વાઇસ પ્રેસિડેન્ટ રેમિગિયો સેબાલોસે રવિવારે સાંજે તેમના ટેલિવિઝન સંબોધનમાં આ માહિતી આપી હતી.
વાઇસ પ્રેસિડેન્ટ ડેલ્સી રોડ્રિગ્ઝે જણાવ્યું હતું કે શનિવારની રાતના વરસાદે પહાડો પરથી થડ અને મોટા વૃક્ષોના કાટમાળને ધોઈ નાખ્યા હતા, જેનાથી વ્યવસાયો અને કૃષિને ભારે નુકસાન થયું હતું. આ વિસ્તાર કારાકાસથી 40 માઈલ (67 કિલોમીટર) દૂર સ્થિત છે. અહીં પૂરે દેશમાં સૌથી વધુ તબાહી મચાવી છે