ઑસ્ટ્રેલિયામાં ખાલિસ્તાન સમર્થકો અને ભારતીયો વચ્ચે અથડામણ

ઑસ્ટ્રેલિયામાં હિન્દુ મંદિરોમાં ખાલિસ્તાન સમર્થકો તરફથી વારંવાર તોડફોડ કર્યા બાદ હવે ભારતીય લોકો સાથે ઘર્ષણ થવાના સમાચાર ચર્ચાઈ રહ્યા છે.

ટ્રિબ્યૂન ઇન્ડિયાના અહેવાલ અનુસાર, ઑસ્ટ્રેલિયામાં ખાલિસ્તાન સમર્થકોએ કેટલાક ભારતીયો પર હુમલો કર્યો છે.

આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ અથડામણમાં પાંચ લોકો ઘાયલ થયા છે, તેઓને હૉસ્પિટલમાં દાખલ કરવામાં આવ્યા છે.

સ્થાનિક મીડિયા ગ્રૂપ ઑસ્ટ્રેલિયા ટુડેએ આ મુદ્દા સાથે જોડાયેલો વીડિયો શેર કર્યો છે.

<

I strongly condemn anti India activities by pro Khalistani in Australia. Anti-social elements that are trying to disrupt the peace & harmony of the country with these activities, must be dealt with strongly and culprits must be brought to books.@ANI pic.twitter.com/xMMxNTQscc

— Manjinder Singh Sirsa (@mssirsa) January 29, 2023 >

અખબાર અનુસાર સિખ ફૉર જસ્ટિસ નામના પ્રતિબંધિત જૂથ દ્વારા કરાવવામાં આવતા જનમત દરમિયાન ભારતીય મીળના લોકો અને ખાલિસ્તાની સમર્થકો વચ્ચે અથડામણ થઈ હોવાનું લખે છે.

ધ એજ નામના અખબારના અહેવાલ અનુસાર રવિવારના સાંજે સ્થાનિક સમય અનુસાર સાડા ચાર વાગ્યે મેલબર્નમાં મતદાન કેન્દ્ર પાસે ભારતીય સમર્થકોનું જૂથ ભારતના તિરંગા લઈને પહોંચ્યા હતા.

વિક્ટોરિયા પોલીસે પ્રદર્શનને રોકવા માટે પેપર સ્પ્રે (મરચાંનો સ્પ્રે) વાપર્યો અને 34 વર્ષ તથા 39 વર્ષના બે લોકોની ધરપકડ કરવામાં આવી હતી. તેમના પર દંડ પણ ફટકારવામાં આવ્યો હતો.

કેટલાક વીડિયોમાં જોઈ શકાય છે કે ખાલિસ્તાની સમર્થકો ભારતીયો પર હુમલો કરી રહ્યા હતા. તેઓ તિરંગો ખેંચીને નુકસાન પહોંચાડતા પણ જોઈ શકાય છે.

આ વીડિયો પોસ્ટ કરીને ભાજપના નેતા મનજિંદરસિંહ સિરસાએ ટ્વીટ કરીને કહ્યું કે, "હું ઑસ્ટ્રેલિયામાં ખાલિસ્તાની સમર્થકોની ભારતવિરોધી ગતિવિધિઓની ટીકા કરી રહી છે. અસામાજિક તત્ત્વો દેશમાં આ ગતિવિધિઓથી શાંતિ અને સૌહાર્દ્ય બગાડવાનો પ્રયત્ન કરી રહ્યા છે, તેમની સામે કડક કાર્યવાહી કરવી જોઈએ અને દોષિતોને સજા કરવી જોઈએ."