હોંગકોંગમાં થયેલી લિલામીમાં એક દુર્લભ ગુલાબી હીરો ધાર્યા કરતા ખાસ્સી ઉંચી કિંમતે એટલે કે 1.74 કરોડ ડોલરમાં વેચાયો હતો. લિલામી કરનારા ક્રિસ્ટીના જણાવ્યા અનુસાર આ પ્રકારના અત્યારસુધી વેચાયેલા હીરાઓમાં આ હીરાની સૌથી વધુ કિંમત ઉપજી છે. ટેલીફોન દ્વારા બોલી લગાવનારા એક અજાણ્યા વ્યક્તિએ આ હીરો ખરીદ્યો હતો.
માર્ટિયન પિંક ડાયમંડ એક બેહદ દુર્લભ હીરો છે. આ હીરાની કિંમત 80 લાખ ડોલરથી 1.2 કરોડ ડોલર વચ્ચે અંદાજવામાં આવી હતી. ક્રિસ્ટીના રાહુલ કદાકીયાના જણાવ્યા અનુસાર આ હીરા માટે લગાવાયેલી બોલીમાં અનેક લોકોએ ભાગ લીધો હતો. આખરી બોલી લગાવાઈ ત્યારે તો રોમાંચ ચરમસીમા પર હતો.
આ હીરો 12 કેરેટનો છે. તેને 1976માં અમેરિકાના જ્વેલર હેરી વિંસ્ટને વેચ્યો હતો. આ વર્ષે જ અમેરિકાએ મંગળ ગ્રહ પર પોતાનો ઉપગ્રહ મોકલ્યો હતો. ક્રિસ્ટીના આભૂષણ વિભાગના ફ્રેંકવા ક્યૂરિયલના જણાવ્યા અનુસાર અમે આ હીરો હેરી વિંસ્ટનને આપ્યો હતો. હેરી એ વાતથી ખુબ જ પ્રભાવિત હતો કે અમેરિકા મંગળ સુધી પહોંચી ગયું છે. આ કાચો હીરો હેરીના ખજાનામાં હતો.
તેમના જણાવ્યા અનુસાર આ હીરાને હેરીએ ખુબ જ ખુબસુરતી સાથે આકાર આપ્યો હતો. જે વ્યક્તિએ આ હીરાને ખરીદ્યો છે તે પણ અમેરિકન નાગરિક છે અને તે તેને હોંગકોંગમાં વેચવા ચાહે છે.
