દેશની મોટી ઓઈલ કંપનીઓએ શનિવાર 26 માર્ચ માટે પેટ્રોલ અને ડીઝલના નવા ભાવ જાહેર કર્યા છે. ઓઈલ માર્કેટિંગ કંપનીઓએ ફરી એકવાર પેટ્રોલ-ડીઝલ(Petrol-Diesel) ના ભાવમાં વધારો કર્યો છે. શનિવારે તેલની કિંમતોમાં વધારા બાદ રાજધાની દિલ્હી(Petrol Price in Delhi Today) માં એક લિટર પેટ્રોલની કિંમત 98.61 રૂપિયા અને ડીઝલની કિંમત 89.87 રૂપિયા થઈ ગઈ છે. તેલના ભાવમાં તાજેતરના વધારા બાદ મુંબઈમાં(Petrol Price in Mumbai Today)પેટ્રોલની કિંમત 113.35 રૂપિયા પ્રતિ લિટર અને ડીઝલની કિંમત 97.55 રૂપિયા પ્રતિ લિટર થઈ ગઈ છે. જણાવી દઈએ કે દિલ્હીમાં પેટ્રોલ અને ડીઝલના ભાવમાં 80-80 પૈસાનો વધારો થયો છે, જ્યારે મુંબઈમાં પેટ્રોલની કિંમતમાં 84 પૈસા અને ડીઝલની કિંમતમાં 85 પૈસાનો વધારો થયો છે.
દિલ્હીમાં 4 દિવસમાં પેટ્રોલ અને ડીઝલ 3.20 રૂપિયા થયું મોંઘુ
દેશભરમાં પેટ્રોલ અને ડીઝલના ભાવમાં સતત વધારો થઈ રહ્યો છે. જણાવી દઈએ કે આ સપ્તાહે પેટ્રોલ અને ડીઝલના ભાવમાં ચોથી વખત વધારો કરવામાં આવ્યો છે. દિલ્હીમાં સતત 4 દિવસથી 80-80 પૈસાનો વધારો જોવા મળી રહ્યો છે. તેથી દિલ્હીમાં છેલ્લા 4 દિવસમાં પેટ્રોલ અને ડીઝલના ભાવમાં 3.20 રૂપિયાનો વધારો થયો છે. તેલના ભાવમાં વધારા પહેલા દિલ્હીમાં એક લિટર પેટ્રોલની કિંમત 95.41 રૂપિયા પ્રતિ લિટર હતી જે આજે વધીને 98.61 રૂપિયા પ્રતિ લિટર થઈ ગઈ છે. જો તમે તમારા શહેરમાં પેટ્રોલ અને ડીઝલના નવીનતમ ભાવ જોવા માંગતા હો, તો તમે આ લિંક પર ક્લિક કરી શકો છો.
કાચા તેલની કિંમતોમાં પણ વધારો નોંધાયો
બીજી તરફ કાચા તેલની કિંમતોમાં પણ આજે વધારો જોવા મળી રહ્યો છે. આંતરરાષ્ટ્રીય બજારમાં આજે કાચા તેલની કિંમત 120.7 ડોલર પ્રતિ બેરલના સ્તરે પહોંચી ગઈ છે. શનિવારે WTI ક્રૂડના ભાવમાં વધારો થયા બાદ પ્રતિ બેરલ 113.9 ડોલર અને બ્રેન્ટ ક્રૂડના ભાવ વધારા બાદ 120.7 ડોલર પ્રતિ બેરલ થઈ ગયા છે.