સહકારી કંપની મધર ડેરીએ સરસવ, સોયાબીન અને સૂર્યમુખીના તેલ(Cooking oil)ના ભાવમાં ઘટાડો કર્યો છે. મધર ડેરી(Mother Dairy)એ જણાવ્યું કે, ધરા બ્રાન્ડ હેઠળની તમામ કેટેગરીના તેલના ભાવમાં રૂ.15 સુધીનો ઘટાડો(price reduced) કરવામાં આવી રહ્યો છે.
સ્થાનિક સ્તરે સૂર્યમુખીના તેલની પૂરતી ઉપલબ્ધતાને કારણે કંપનીએ તેલના ભાવમાં ઘટાડો કર્યો છે.
અહેવાલ છે કે હવે અન્ય બ્રાન્ડેડ ઓઇલ કંપની(Branded oil company)ઓ પણ પોતપોતાની બ્રાન્ડના ભાવમાં ઘટાડો કરશે. ઈન્ડિયન વેજીટેબલ ઓઈલ પ્રોડ્યુસર્સ એસોસિયેશનના પ્રમુખના જણાવ્યા અનુસાર, ખાદ્યતેલના ભાવમાં ઘટાડાની અસર લોકપ્રિય બ્રાન્ડ્સ પર તરત જ જોવા મળશે. જોકે, પ્રીમિયમ ખાદ્યતેલ બ્રાન્ડના ભાવ ઘટતા થોડો સમય લાગશે. તેની અસરને કારણે ખાદ્ય ચીજવસ્તુઓના ફુગાવાના દરમાં પણ ઘટાડો થશે, પરિણામે છૂટક અને જથ્થાબંધ ફુગાવામાં ઘટાડો થવાની પૂરેપૂરી અપેક્ષા છે. તેઓ આવું એટલા માટે કહી રહ્યા છે કારણ કે ખાદ્યતેલોના ફુગાવાના દરનો મોટો હિસ્સો પણ ખાદ્યતેલોના ફુગાવાના દરને કારણે છે.
ધરાના તેલના ભાવ કેટલા ઘટ્યા
ધરા રાઈનું તેલ લીટરે 208 રુપિયાથી ઘટીને 193 રુપિયા થયું
ધરા રિફાઈન્ડ સનફ્લાવર તેલ 235 રુપિયાથી ઘટીને 220 રુપિયા થયું
ધરા રિફાઈન્ડ સનફ્લાવર તેલ 209 રુપિયાથી ઘટીને 194 રુપિયા થયું
પામ ઓઈલ પણ સસ્તું થયું
ઈન્ડિયન વેજિટેબલ ઓઈલ પ્રોડયુસર્સ એસોસિએશનના પ્રમુખ સુધાકર રાવ દેસાઈએ જણાવ્યું હતું કે, ઓઈલના ભાવમાં ઘટાડાની અસર ગ્રાહકો સુધી તાત્કાલિક પહોંચશે. અત્યારે પામતેલના ભાવમાં 7-8 રૂપિયા પ્રતિ લીટરનો ઘટાડો થયો છે. જ્યારે સૂર્યમુખી અને સરસવના તેલના ભાવમાં 10-15 રૂપિયા પ્રતિ લીટરનો ઘટાડો થયો છે. સાથે જ સોયાબીન તેલ 5 રૂપિયા પ્રતિ લીટર સસ્તું થયું છે.