રોડ સેફ્ટીને વધુ સારુ કરવા માટે કેન્દ્ર સરકારે એક મોટો નિર્ણય લીધો છે. આ નિર્ણયથી માર્ગ પર દોડનારી દરેક કારમાં પેસેંજરને વધુ સુરક્ષા મળશે. કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરી (Nitin Gadkari) એ ટ્વિટર પર આની માહિતી આપી છે.
માર્ગ પરિવહન અને રાજમાર્ગ મંત્રી (MoRTH) નિતિન ગડકરીએ ટ્વીટ કરી કહ્યુ કે કારમાં 6 એયરબેગને અનિવાર્ય કરવા માટે ડ્રાફ્ટ નોટિફિકેશનને મંજૂરી આપી દીધી છે. આ કારના તમામ સેગમેન્ટમાં મુસાફરોની સુરક્ષાને સુનિશ્ચિત કરશે. કારની કિંમત અને વેરિઅન્ટને તેની સાથે કોઈ લેવાદેવા નથી
ગડકરીએ કહ્યું કે આ નિર્ણય M1 શ્રેણીની કાર માટે લેવામાં આવ્યો છે. M1 કેટેગરીમાં 5 થી 8 સીટર કારનો સમાવેશ થાય છે. આ રીતે હવે તમામ મિડ-રેન્જ કારમાં પણ 6 એરબેગ ફરજિયાત હશે. આ નવા નિર્ણય બાદ કારમાં બે સાઇડ એર બેગ અને બે બાજુના પડદા પણ લગાવવામાં આવશે, જે કારમાં પાછળ બેઠેલા મુસાફરોની સુરક્ષા પણ સુનિશ્ચિત કરશે.