IRCTC Tour Package- તિરુપતિ બાલાજી સાથે 5 મંદિરોના દર્શનની તક, 4 દિવસના પેકેજનું ભાડુ આટલુ જ છે

સુરત - તિરુપતિ બાલાજીનું પ્રસિદ્ધ મંદિર આંધ્ર પ્રદેશના ચિત્તૂર જિલ્લામાં તિરુમાલા પર્વત પર આવેલું છે. તે ભગવાન વિષ્ણુના અવતાર વેંકટેશ્વરને સમર્પિત છે. આ દેશના સૌથી અમીર મંદિરોમાંથી એક છે.

જો તમે પણ તિરુપતિ બાલાજીના દર્શન કરવા ઈચ્છો છો, તો IRCTC તમારા માટે ખાસ ટૂર પેકેજ લઈને આવ્યું છે. આ પેકેજમાં માત્ર તિરુપતિ જ નહીં પરંતુ આસપાસના કુલ 5 મંદિરોની પણ મુલાકાત લેવામાં આવશે.

IRCTCએ ટ્વીટ કરીને આ પેકેજ વિશે જાણકારી આપી છે. આ એક એર ટૂર પેકેજ છે. 3 રાત અને 4 દિવસના આ પેકેજ માટે તમારે પ્રતિ વ્યક્તિ ઓછામાં ઓછા 24,000 રૂપિયા ખર્ચવા પડશે. આ પેકેજ 1 ડિસેમ્બર, 2023થી સુરતથી શરૂ થશે. પ્રવાસીઓએ ખાણી-પીણીની ચિંતા કરવાની જરૂર રહેશે નહીં. IRCTC દ્વારા મુસાફરો માટે નાસ્તો અને રાત્રિભોજનની વ્યવસ્થા કરવામાં આવશે.

આ મંદિરોમાં દર્શન કરાવવામાં આવશે

તિરુપતિ બાલાજી મંદિર

પદ્માવતી મંદિર

કલ્યાણા વેંકટેશ્વર સ્વામી મંદિર

ગોલ્ડન ટેમ્પલ વેલ્લોર

કનિપક્કમ મંદિર

ટૂર પેકેજની ખાસ વિશેષતાઓ

પેકેજનું નામ- બ્લિસફુલ તિરુપતિ ફાઇવ ટેમ્પલ ટૂર એક્સ સુરત (WMA75)

ડેસ્ટિનેશન કવર- ચેન્નાઈ, વેલ્લોર અને તિરુમાલા

પ્રસ્થાન તારીખ- 1 ડિસેમ્બર, 2023

ભોજન યોજના- નાસ્તો અને રાત્રિભોજન

પ્રવાસનો સમયગાળો- 4 દિવસ/3 રાત

મુસાફરી મોડ- ફ્લાઇટ

ભાડું કેટલું હશે?

ટૂર પેકેજ માટે ટેરિફ અલગ-અલગ હશે. આ મુસાફર દ્વારા પસંદ કરાયેલ ઓક્યુપન્સી અનુસાર હશે. ટ્રિપલ ઓક્યુપન્સી પર વ્યક્તિ દીઠ ખર્ચ રૂ. 24,000 છે. ડબલ ઓક્યુપન્સી માટે વ્યક્તિ દીઠ રૂ. 24,900 ચૂકવવા પડશે. જ્યારે સિંગલ ઓક્યુપન્સી માટે વ્યક્તિ દીઠ ખર્ચ રૂ. 30,400 છે. 5 થી 11 વર્ષના બાળક માટે બેડ સાથે 25,100 રૂપિયા અને બેડ વગર 19,800 રૂપિયા છે. 5 વર્ષથી ઓછી ઉંમરના બાળક માટે 15,600 રૂપિયા ખર્ચવા પડશે.