ODI વર્લ્ડ કપ 2023માં આ મેદાનો પર થઈ શકે છે IND vs PAK મેચ, બહાર આવ્યું આ મોટું અપડેટ

India vs Pakistan ODI World Cup 2023: ભારત આ વર્ષે ક્રિકેટના મહાકુંભ ODI વર્લ્ડ કપ 2023નું આયોજન કરશે. ભારતે 12 વર્ષ પહેલા મહેન્દ્ર સિંહ ધોનીની કપ્તાનીમાં શ્રીલંકાને હરાવીને ODI વર્લ્ડ કપનો ખિતાબ જીત્યો હતો. ODI વર્લ્ડ કપમાં ભારતનો મુકાબલો પાકિસ્તાન સાથે પણ થશે. જ્યારે પણ ભારત અને પાકિસ્તાન વચ્ચે મેચ હોય છે ત્યારે બંને દેશના ફેંસ ખૂબ જ ઉત્સાહિત થઈ જાય  છે અને ઉત્સાહ પીક પર  હોય છે. ODI વર્લ્ડ કપ 2023માં ભારત અને પાકિસ્તાનની મેચ બે શહેરોમાં યોજાઈ શકે છે. ચાલો તેના વિશે જાણીએ.

વર્લ્ડ કપની મેચો 12 મેદાનો પર યોજાશે

આ વર્ષના અંતમાં ભારતમાં યોજાનાર વર્લ્ડ કપમાં પાકિસ્તાનની ટીમ તેની મોટાભાગની મેચ ચેન્નાઈ અને કોલકાતામાં રમી શકે છે. ICCના સૂત્રોએ જણાવ્યું હતું કે ભારતે તેમના અગાઉના પ્રવાસમાં આ મેદાનો પર સુરક્ષિત અનુભવ્યું હતું. વર્લ્ડ કપ 5 ઓક્ટોબરથી શરૂ થવાની શક્યતા છે. તેની 46 મેચો અમદાવાદ, લખનૌ, મુંબઈ, રાજકોટ, બેંગલુરુ, દિલ્હી, ઈન્દોર, ગુવાહાટી અને હૈદરાબાદ સહિત દેશના 12 શહેરોમાં રમાય તેવી શક્યતા છે.

આ મેદાન પર મેચ યોજી શકાય છે

પાકિસ્તાન ક્રિકેટ બોર્ડ ICCના ટોચના અધિકારીઓ સાથે ચર્ચા કરી રહ્યું છે. જો કે, આ મુદ્દો હજુ પણ એક સંવેદનશીલ વિષય છે. આ બાબતથી વાકેફ આઈસીસીના એક સૂત્રએ 'પીટીઆઈ-ભાષા'ને જણાવ્યું કે બીસીસીઆઈ અને ભારત સરકાર શું નિર્ણય લે છે તેના પર ઘણું નિર્ભર રહેશે? પરંતુ પાકિસ્તાન તેની મોટાભાગની વર્લ્ડ કપ મેચ કોલકાતા અને ચેન્નાઈમાં રમવાનું પસંદ કરશે. તેણે કહ્યું કે 2016 T20 વર્લ્ડ કપ દરમિયાન કોલકાતામાં ભારત સામેની મેચ દરમિયાન પાકિસ્તાનના ખેલાડીઓ સુરક્ષાને લઈને ખુશ હતા.

<

Kolkata and Chennai have been shortlisted to host India vs Pakistan Match. Ahmedabad won't be hosting it as the final will be played here.

Hindustan Times reports that Pakistan would prefer playing most of their World Cup matches in Chennai and Kolkata #INDvPAK pic.twitter.com/Wj0Aeao9PW

— Abhijeet (@TheYorkerBall) April 11, 2023 >