IND vs PAK Live Update: એશિયા કપ 2023માં ભારત અને પાકિસ્તાન વચ્ચે 2 સપ્ટેમ્બરે મેચ રમાશે. ફેન્સ ઘણા સમયથી આ મેચની રાહ જોઈ રહ્યા હતા. બંને ટીમો ખૂબ જ સારી લયમાં છે. આવી સ્થિતિમાં રોમાંચક મેચની અપેક્ષા રાખી શકાય છે. આ બંને કટ્ટર હરીફો વચ્ચે છેલ્લી ODI મેચ 2019 ODI વર્લ્ડ કપમાં રમાઈ હતી. જે ટીમ ઈન્ડિયાએ જીતી હતી. બીજી તરફ, જો તમે છેલ્લી 10 ODIના આંકડાઓ પર એક નજર નાખો તો ભારતને મોટો ફાયદો છે. ટીમ ઈન્ડિયાએ દસમાંથી સાત મેચ જીતી છે જ્યારે પાકિસ્તાનને ત્રણમાં સફળતા મળી છે. આ મેચ સંબંધિત તમામ લાઇવ અપડેટ્સ જાણવા માટે, નીચે આપેલ લિંક પર ક્લિક કરો.
LIVE UPDATES : ભારત vs પાકિસ્તાન એશિયા કપ 2023 મેચના લાઇવ અપડેટ્સ
વિરાટ કોહલી હરિસ રઉફને મળ્યા
એશિયા કપની મેચ પહેલા વિરાટ કોહલી પાકિસ્તાની ફાસ્ટ બોલર હરિસ રૌફને ગળે લગાવતો જોવા મળ્યો હતો. બંનેનો વીડિયો સોશિયલ મીડિયા પર વાયરલ થઈ રહ્યો છે.
<
Virat Kohli asked Haris Rauf about fitenss, body etc since 50 over cricket. Rauf said that he still remember MCG sixes. You can literally hear all the players talking.
પાકિસ્તાને ભારત સામેની મેચ માટે પોતાની પ્લેઈંગ ઈલેવનની જાહેરાત કરી દીધી છે. પાકિસ્તાની ટીમમાં 5 ખેલાડી છે, જેઓ પ્રથમ વખત ભારત સામે રમશે. જેમાં મોહમ્મદ રિઝવાન, હેરિસ રઉફ, નસીમ શાહ, ઈફ્તિખાર અહેમદ અને આગા સલમાનનો સમાવેશ થાય છે.
ભારત અને પાકિસ્તાન મેચ પહેલા બાબર આઝમની પ્રેસ કોન્ફરન્સ
બાબર આઝમે ભારત સામેની મેચ પહેલા ઘણી મોટી વાતો કહી છે. બાબરે પોતાની ટીમની રણનીતિ વિશે પણ વાત કરી છે. પ્રેસ કોન્ફરન્સ દરમિયાન બાબર આઝમે કહ્યું કે તેમની ટીમ આ પ્રવાસથી સારી સ્થિતિમાં છે. મેચ પહેલા પ્રેસ કોન્ફરન્સ દરમિયાન બાબરે કહ્યું કે અમે જુલાઈથી અહીં છીએ. અમે ટેસ્ટ મેચ રમ્યા, કેટલીક લીગ (LPL) મેચ રમ્યા અને પછી ODI (અફઘાનિસ્તાન સામે) રમ્યા. અમને આશા છે કે આવતીકાલે ભારત સામે આ અનુભવ અમને મદદ કરશે. બાબરે ભારત-પાક મેચને લઈને દબાણની વાતને નકારી કાઢી હતી અને કહ્યું હતું કે તે બહારની બાબતોને બદલે માત્ર મેચ પર ધ્યાન આપી રહ્યો છે. તેમણે કહ્યું કે કોઈ વધારાનું દબાણ નથી. હા, ભારત અને પાકિસ્તાનની મેચ હંમેશા લાગણીઓથી ભરેલી હોય છે. પરંતુ અમારી પાસે અનુભવી ખેલાડીઓ છે અને અમારે ફક્ત અમારી શક્તિઓ પર ધ્યાન કેન્દ્રિત કરવાની અને સારો દેખાવ કરવાની જરૂર છે.
વિરાટ વિશે કહી આ વાત
વિરાટ કોહલી વિ બાબર આઝમ ક્રિકેટમાં તાજેતરના સમયમાં ટોક ઓફ ધ ટાઉન બન્યો છે, પરંતુ બાબરે કહ્યું કે તે ભૂતપૂર્વ ભારતીય સુકાનીનું સન્માન કરે છે. બાબરે કહ્યું કે હું વિરાટ કોહલીનું સન્માન કરું છું. તે મારા કરતા મોટા છે અને મેં હંમેશા તેમનો આદર કર્યો છે. જ્યારે મેં રમવાનું શરૂ કર્યું ત્યારે મેં તેની સાથે વાત કરી અને મને તેની મદદ મળી. મને ખબર નથી કે બહારના લોકો શું વાત કરે છે, તે તેમના પર છોડી દો. એશિયા કપમાં યોજાનારી મેચમાં તમામની નજર બાબર આઝમ અને વિરાટ કોહલી પર રહેશે.
