દુબઈથી પરત ફરેલા ટીમ ઈન્ડિયાના ઓલરાઉન્ડર હાર્દિક પંડ્યાની કરોડોની કિંમતની ઘડિયાળો મુંબઈ એરપોર્ટ પરથી કસ્ટમ્સ દ્વારા જપ્ત કરવામાં આવી છે. એવું કહેવામાં આવી રહ્યું છે કે તેમની કિંમત 5 કરોડ છે અને પંડ્યા પાસે ન તો તેમના બિલ હતા અને ન તો તેમણે તેમના સામાનમાં તેનો ઉલ્લેખ કર્યો હતો. વિવાદ વધતાં પંડ્યાએ પોતે જ આ અંગે સ્પષ્ટતા કરી હતી. તેણે કહ્યું કે તેણે ઘડિયાળો સંબંધિત દસ્તાવેજો કસ્ટમને સોંપી દીધા છે અને તેની કિંમત 5 કરોડ નહીં પરંતુ 1.5 કરોડ છે.
<
પંડ્યાએ સોશિયલ મીડિયા પોસ્ટમાં લખ્યું છે કે, 'દુબઈથી મુંબઈ એરપોર્ટ પર આવ્યા બાદ હું પોતે મારા સામાન સાથે કસ્ટમ કાઉન્ટર પર ગયો હતો. મેં તેમને દુબઈથી ખરીદેલી વસ્તુઓ વિશે માહિતી આપી અને કસ્ટમ ડ્યુટી પણ ચૂકવી. આ ઘોષણા અંગે સોશિયલ મીડિયા પર અફવાઓ ફેલાઈ રહી છે. કસ્ટમ વિભાગે મારી પાસેથી ખરીદીના દસ્તાવેજો માંગ્યા હતા, જે મેં સબમિટ કર્યા હતા.
હું ભારતીય કાયદાનું સન્માન કરું છું. દુબઈમાં ખરીદેલી ઘડિયાળોની કિંમત સોશિયલ મીડિયા પર જણાવવામાં આવી છે, તે ખોટું છે. મેં નિયમો અનુસાર ઘડિયાળો ખરીદી છે. મારી પાસે તેના તમામ દસ્તાવેજો છે. તેના પર નિયમ મુજબ જે પણ ટેક્સ વસૂલવામાં આવ્યો છે તે ચૂકવવામાં આવ્યો છે. હું દેશના કાયદાનું પાલન કરનાર વ્યક્તિ છું અને ખાતરી આપું છું કે હું મુંબઈ કસ્ટમ વિભાગને સંપૂર્ણ સહકાર આપીશ. હું તેમને આ બાબતે જરૂરી કાયદાકીય દસ્તાવેજો આપીશ. મારા પર કાયદાના ભંગનો જે પણ આરોપ લગાવવામાં આવી રહ્યો છે તે ખોટો છે.
વર્લ્ડ કપમાં રહ્યા હતા ફ્લોપ
ટી20 વર્લ્ડ કપમાંથી બહાર થઈને ભારતીય ટીમ સ્વદેશ પરત ફરી છે. હાર્દિક પંડ્યા પણ રવિવારે ટીમ સાથે પરત ફર્યો હતો. T20 વર્લ્ડ કપમાં હાર્દિક પંડ્યા તેની ખરાબ ફિટનેસ અને ફોર્મ બંનેથી નિરાશ છે. 5 મેચની ત્રણ ઇનિંગ્સમાં પંડ્યાએ 34.50ની એવરેજથી માત્ર 69 રન બનાવ્યા હતા.