ઓસ્ટ્રેલિયા અને IPLમાં રોયલ ચેલેન્જર્સ બેંગ્લોર તરફથી રમી ચૂકેલા મહાન ઓલરાઉન્ડર ગ્લેન મેક્સવેલે ગર્લફ્રેન્ડ વિની રમન સાથે લગ્ન કર્યા. વિની ભારતીય મૂળની છે. બંનેએ એક ખાનગી સમારંભમાં લગ્ન કર્યા હતા.
વિનીએ પોસ્ટ સાથે વિવિધ પ્રકારના ઈમોજીનો પણ ઉપયોગ કર્યો છે. આ સાથે તારીખ '18.3.2022' પણ લખવામાં આવી છે. તે દર્શાવે છે કે બંનેએ ગાંઠ બાંધી છે. ગ્લેન મેક્સવેલ અને વિની રમન બે વર્ષથી વધુ સમયથી એકબીજાને ડેટ કરી રહ્યાં છે. આ જોડીએ ફેબ્રુઆરી 2020 માં એક ઇન્સ્ટાગ્રામ પોસ્ટ દ્વારા તેમની સગાઈની જાહેરાત કરી હતી.
મેક્સવેલ અને વિન્નીની તસવીરો સૌ પ્રથમ 2017માં સોશિયલ મીડિયા પર સામે આવી હતી. મેક્સવેલ 2019 માં ઓસ્ટ્રેલિયન ક્રિકેટ એવોર્ડ્સ દરમિયાન વિની રમન સાથે જોવા મળ્યો હતો. રમન મેલબોર્ન સ્થિત ફાર્માસિસ્ટ છે. તે ઓસ્ટ્રેલિયાના એક શહેરમાં રહેતા તમિલ પરિવારની છે
મેક્સવેલ છેલ્લી વખત ઓસ્ટ્રેલિયા તરફથી આ વર્ષે શ્રીલંકા સામેની T20I શ્રેણીમાં રમ્યો હતો. ઓસ્ટ્રેલિયાએ શ્રીલંકાને શ્રેણીમાં 5-0થી હરાવ્યું હતું. મેક્સવેલ શાનદાર ફોર્મમાં હતો અને 138 રન સાથે શ્રેણીમાં ત્રીજો સૌથી વધુ રન બનાવનાર બેટ્સમેન હતો. આ સાથે તેને એક વિકેટ પણ મળી હતી.