ફિલ્મ 'માર્ક એન્ટોની'ના સેટ પર બેકાબુ થઈને ઘુસી ટ્રક, ઘટના સમયે 100થી વધુ લોકો હતા હાજર, અભિનેતા વિશાલે કહ્યું- મોત લગભગ સામે હતુ

પેન ઈન્ડિયા ફિલ્મ માર્ક એન્ટોનીના સેટ પર મોટી દુર્ઘટના ટળી હતી. વાસ્તવમાં, એક સીનના શૂટિંગ દરમિયાન, એક અનિયંત્રિત ટ્રક સેટની અંદર ઘૂસી ગયો, જેના કારણે ત્યાં હાજર લોકોમાં ગભરાટ ફેલાઈ ગયો. ફિલ્મનું શૂટિંગ ચેન્નાઈની એક ફિલ્મ સિટીમાં ચાલી રહ્યું હતું.

દ્રશ્ય મુજબ, ટ્રક એક તબક્કે થોભવી જોઈતી હતી, પરંતુ કેટલીક ટેકનિકલ ખામીઓને કારણે ટ્રક વધુ ઝડપે આવી રહી હતી. જ્યારે આ ઘટના બની ત્યારે સેટ પર 100થી વધુ લોકો હાજર હતા. ફિલ્મના એક્ટર વિશાલ કૃષ્ણ રેડ્ડી પોતે પણ ત્યાં હાજર હતા. તેણે ટ્વીટ કરીને ભગવાનનો આભાર માન્યો છે.

વિશાલે કહ્યું- હું સંપૂર્ણપણે ચોંકી ગયો છું

વિશાલે ટ્વીટ કરીને લખ્યું, 'બસ થોડી સેકન્ડ અને થોડા અંતરે મારો જીવ બચાવ્યો. ભગવાનનો ખૂબ ખૂબ આભાર. આ ઘટનાએ મને સંપૂર્ણ રીતે ચોંકાવી દીધો છે.

<

Jus missed my life in a matter of few seconds and few inches, Thanks to the Almighty

Numb to this incident back on my feet and back to shoot, GB pic.twitter.com/bL7sbc9dOu

— Vishal (@VishalKOfficial) February 22, 2023 >

ટેક્નિકલ ખામીના કારણે ટ્રક સેટ સાથે અથડાઈ 

ફિલ્મ 'માર્ક એન્ટોની'નું શૂટિંગ છેલ્લા કેટલાક દિવસોથી ચેન્નાઈ નજીકની ફિલ્મ સિટીમાં ચાલી રહ્યું છે. ફિલ્મના એક સિક્વન્સમાં ટ્રકનું દ્રશ્ય શૂટ કરવામાં આવ્યું હતું, પરંતુ ટ્રક જ્યાં રોકાવાની હતી ત્યાં ન રોકાઈ, તેથી સંતુલન ગુમાવવાને કારણે તે સીધો સેટ સાથે અથડાઈ ગયો. એવું કહેવામાં આવી રહ્યું છે કે ટ્રકમાં કોઈ ટેકનિકલ સમસ્યા હતી, જેથી યોગ્ય સમયે બ્રેક લાગી શકી નહી. 

ટ્રકને તેમની નજીક આવતી જોઈ ત્યાં હાજર લોકોમાં અફરાતફરી મચી ગઈ હતી. જોકે, સારી વાત એ છે કે હજુ સુધી કોઈ જાનહાનિના સમાચાર નથી. મીડિયા રિપોર્ટ્સનું માનીએ તો ફિલ્મનું શૂટિંગ હાલ પૂરતું રોકી દેવામાં આવ્યું છે. ઘટનાને કારણે થયેલા નુકસાનની ભરપાઈ કર્યા પછી જ ફિલ્મનું શૂટિંગ ફરી શરૂ કરવામાં આવશે.