Jug Jugg Jeeyo Controversy: વરુણ ધવન અને કિયારા અડવાણીની આગામી ફિલ્મ જુગ જુગ જિયો તેની રિલીઝ પહેલા જ ચર્ચામાં આવી ગઈ છે. વાસ્તવમાં, પાકિસ્તાની ગાયક અબરાર-ઉલ-હકે ફિલ્મના એક ગીત માટે કરણ જોહર અને તેના પ્રોડક્શન હાઉસ ધર્મા પ્રોડક્શન્સ પર નિશાન સાધ્યું છે. અબરારનો આરોપ છે કે કરણે આ ફિલ્મમાં મારું ગીત 'નચ પંજાબન' ચોરી લીધું છે જે આ ફિલ્મના ટ્રેલરમાં બતાવવામાં આવ્યું છે .પાક સિંગરના આ નિવેદન બાદ કરણ જોહરની આ ફિલ્મ વિવાદમાં ફસાયેલી જોવા મળી રહી છે. આ ફિલ્મમાં વરુણ-કિયારા સિવાય બોલિવૂડ સુપરસ્ટાર અનિલ કપૂર અને નીતુ સિંહ પણ મુખ્ય ભૂમિકામાં જોવા મળશે.
ટ્રેલર રજુ થયા પછી અબરાર ઉલ હકે કર્યુ ટ્વીટ
22 મેના રોજ બોલિવૂડ ફિલ્મ જુગ-જુગ જિયોનું ટ્રેલર રિલીઝ થયા બાદ અબરાર-ઉલ-હકે તેના ઓફિશિયલ ટ્વિટર હેન્ડલ પરથી ટ્વિટ કરીને માહિતી આપી હતી કે આ ફિલ્મના ટ્રેલરમાં મેં 'નચ પંજાબન' ગીતની ઝલક જોઈ છે. જે અંતર્ગત હું જણાવવા માંગુ છું કે મેં આ ગીત કોઈ હિન્દી ફિલ્મને વેચ્યું નથી. આવી સ્થિતિમાં મારી પાસે કાયદાકીય અધિકારો છે જેના આધારે હું કોર્ટમાં કાર્યવાહી કરવા તૈયાર છું. કરણ જોહરને આ રીતે મારુ ગીત કોપી ન કરવુ જોઈએ. આ ઉપરાંત અબરારે દાવો કર્યો છે કે આ મારુ છઠ્ઠુ ગીત છે. જે આ રીતે કોપી કરવામાં આવ્યુ છે. જેની મંજુરી બિલકુલ પણ નહી મળે. જો કોઈ કહે છે કે તેમની પાસે આ ગીતનુ લાઈસેન્સ છે તો હુ તેના વિરુદ્ધ કાયદાકીય કાર્યવાહી કરવા તૈયાર છુ.