ફિલ્મ તનુ વેડસ મનુ રિટર્ન્સની સફળતા પછી અભિનેત્રી સ્વરા ભાસ્કરની કિસ્મતના દરવાજા ખુલી ગયા છે. હવે સ્વરા બોલીવુડના દબંગ સ્ટાર સલમાન ખાન સ્ટારર અને સૂર જ બડજાત્યાના દિગ્દર્શન હેઠળ બની રહેલી ફિલ્મ 'પ્રેમ રતન ધન પાયો' માં જોવા મળશે. ઉપરાંત તે અશ્વિની ઈયર તિવારીની ફિલ્મ નિલ બટા સન્નાટામાં પણ મુખ્ય ભૂમિકામાં છે.
આટલુ જ નહી આ હોનહાર અભિનેત્રીને ઈટાલિયન ફિલ્મમાં મહત્વની ભૂમિકા પણ કરે તેવી શક્યતા છે. તાજેતરમાં ઈટાલિયન ફિલ્મ સર્જક ગિગી રોકાટીએ પોતાની ફિલ્મ માટે સ્વરાનો સંપર્ક સાધ્યો હતો. આ એક કોમેડી ફિલ્મ છે. જે ઈટાલિયન નોવેલ લૈલા વાડિયા પર આધારિત છે. સ્વરાએ ફિલ્મની સ્ક્રિપ્ટ વાંચી છે અને તેને એ પસંદ પણ આવી છે. હાલમાં ફિલ્મના દિગ્દર્શક સ્વરાને મળવા પણ આવ્યા હતા. જો કે અભિનેત્રી પહેલાથી જ પોતાની આગામી ફિલ્મોની શૂટિગ્નમાં પૂર્ણપણે વ્યસ્ત છે. આ ઈટાલિયન ફિલ્મ પણ ત્યારે ફિલ્માવવામાં આવશે. જ્યારે સ્વરા પ્રેમ રતન ધન પાયો ના ફાઈનલ શિડ્યૂલની શૂટિંગ ખતમ થશે. એટલા માટે સ્વરાને આ બાબતે વિચારવુ પડશે. જો તે ઈટાલિયન ફિલ્મ કરવા માટે રાજી થાય તો તેને આ ફિલ્મ માટે સમય ફાળવવો પડશે.