બોલીવુડના દબંગ સ્ટાર સલમાન ખાને દિલની બીમારીથી પીડિત 100 બાળકોની સારવાર કરાવવાનો નિર્ણય કર્યો છે. સલમાને આવા 100 બાળકોની સારવાર કરાવવાનું એલાન કર્યુ છે જે દિલની બીમારી સામે ઝઝૂમી રહ્યા છે અને જેમની પાસે તેની સારવાર કરાવવા માટે પૈસા નથી.
સલમાને માઈક્રો બ્લોગિંગ સાઈટ પર લખ્યુ 'એવુ કોઈ બાળક છે જે હાર્ટની બીમારીથી પરેશાન છે પણ પૈસાની કમીને કારણે ઈલાજ નથી કરાવી શકતો તો બીઈંગ હ્યુમનની ટીમ આવા 100 બાળકોની સારવાર કરાવશે.' સલમાને એ પણ લખ્યુ 'ખોટુ ના બોલશો અને બેવકૂફ ન બનાવશો'
સલમાન ખાનની ફિલ્મ કિક તાજેતરમાં રજૂ થઈ છે અને ફિલ્મમાં સલમાન જરૂરિયાત અનુભવતા બાળકોની સારવાર માટે તેમની મદદ કરતા જોવા મળ્યા છે.