જાણવા મળ્યુ છે કે શિવસેનાના સ્થાનીક નેતા જીતેન્દ્ર જાનવલેએ કરીનાને 1200 રૂપિયાની નારંગી રંગની સાડી મોકલી આપે છે. જેથી એ પોતાની ઉઘાડી પીઠ ઢાંકી શકે. જો કે કરીનાએ આના પર કોઈ કમેંટ કરવાની ના પાડી દીધી છે.
બોલીવુડ અભિનેત્રી કરીના કપૂરે ફિલ્મ 'કુરબાન'ના પોસ્ટર પર અશ્લીલતા ફેલાવવાનો આરોપ લગાવનારી શિવસેના પર પલટવાર કરીને કહ્યુ કે મને હજુ સુધી તેમની તરફથી કોઈ સાડી નથી મળી.
કરીનાની ફિલ્મ 'કુર્બાન'ના પ્રમોશન દરમિયાન કહ્યુ કે મને અત્યાર સુધી કોઈ સાડી શિવસેના તરફથી નથી મળી, પરંતુ મને આશા છે કે આ સારી હશે. તેના આ નિવેદનનો જવાબ આપવા શિવસેનાએ સાડી મોકલી આપી.
આ ફિલ્મમાં તેમની સાથે તેમનો બોયફ્રેંડ સેફ અલી ખાન પણ છે. સેફની સાથે ઉઘાડી પીઠ બતાવનારા પોસ્ટરને અભદ્ર બતાવવા પર કરીનાએ કહ્યુ કે મને આ પોસ્ટરમાં કંઈ જ ખોટુ નથી દેખાતુ. મારુ માનવુ છે કે આ ખૂબ જ સૌદર્યપ્રેરક છે.
અત્રે એ ઉલ્લેખનીય છે કે શિવસેના કાર્યકર્તાઓએ કરીનાની આગામી ફિલ્મ 'કુરબાન'ના પોસ્ટરમાં તેમની પીઠ બતાવવાને લઈને ગુસ્સો વ્યક્ત કર્યો હતો. શિવસેનાના સ્થાનીય નેતા જીતેન્દ્ર જાનવલેએ કહ્યુ હતુ કે મને એ નથી સમજાતુ કે અધિકારી આ પ્રકારના પોસ્ટર્સ પાસ કેવી રીતે કરી દે છે. રસ્તામાંથી સ્ત્રીઓ અને બાળકો પણ પસાર થાય છે.
જીતેન્દ્ર જાનવલેના નેતૃત્વ હેઠળ શિવસેનાની સ્ત્રી કાર્યકર્તાઓએ કરીનાના એ પોસ્ટર આગળ સાડી બાંધી દીધી હતી જેમા તેમણે ઓછા કપડામાં બતાવવામાં આવી છે.
તેમણે કહ્યુ હતુ કે અમે ટૂંક સમયમાં જ કરીનાના ઘરે જઈશુ અને તેમને સાડી ભેટ આપીશુ. કરીનાએ કહ્યુ હતુ કે પાર્ટી તરફથી હજુ સુધી સાડી નથી મળી.
અત્રે એ ઉલ્લેખનીય છે કે આ ફિલ્મ 20 નવેમ્બરના રોજ રજૂ થઈ રહી છે અને આ ફિલ્મમાં સેફ અલી ખાન અને કરીના કપૂર ઉપરાંત વિવેક ઓબેરોયની પણ મુખ્ય ભૂમિકા છે.