સલમાનના લગ્ન વિશે એટલી વાર સાંભળવા મળ્યુ છે કે હવે સાચુ નથી લાગતુ. કેટલીય વાર તારીખ પણ પાકી થઈ ગઈ, પણ સલમાનને અવિવાહિત રહેવુ વધુ પસંદ છે. તારીખ નજીક અવતા જ તેને આગળ વધારી દે છે. તેનાથી તેમના પિતા સલીમ ખાન પણ ઘણીવાર ગુસ્સે થયા.
એક વાર ફરી સૂત્રોએ સમાચાર આપ્યા છે કે સલ્લૂભાઈ લગ્ન કરવા તૈયાર થઈ ગયા છે. તેની ભાવિ પત્નીનુ નામ તો બધા જાણે જ છે - કેટરીના કેફ. સલમાન બહુ જલ્દી કેટરીના કેફ સાથે લગ્ન કરવાના છે અને બંને આ સમયે તારીખ પસંદ કરવામાં વ્યસ્ત છે.
કેટરીના અને સલમાન ઘણા સમયથી સાથે છે અને આટલો સમય એક બીજાને ઓળખવા પૂરતો હોય છે. જયારે સલમાન લગ્નના પ્રત્યે ગંભીર નહોતા થયા ત્યારે કેટરીનાએ અભિનયના ક્ષેત્રમાં ડગલા ભર્યા હતા.
જોતજોતામાં તે નંબર વનની દાવેદાર થઈ ગઈ અને તેમને ફિલ્મોમાં કામ કરવુ ફળી ગયુ છતાં કેટરીનાએ હંમેશા પ્રાથમિકતા સલમાનને જ આપી છે. જો સલમાન લગ્ન કરવા માટે તૈયાર થયા તો તે ફિલ્મોને બાય બાય પણ કહી શકે છે.
કેટરીનાએ મીડિયામાં સલમાન અને પોતાના સંબંધો વિશે કદી કશુ જ નથી કહ્યુ. તેમણે પોતાના સંબંધોની ગરિમા અને ગુપ્તતા બનાવી મૂકી છે. આશા રાખીએ કે આ વખતે સલમાન સાચે જ લગ્નના મૂડમાં હોય.