સ્ટેટ ઇમરજન્સી ઓપરેશન સેન્ટર ખાતેથી મળતી માહિતી મુજબ આજે સવારે ૬.૦૦ વાગ્યાથી સાંજે ૬.૦૦ વાગ્યા સુધીના સમયગાળામાં રાજ્યના ૯૩ તાલુકાઓમાં ૧૧ થી ર ઇંચ જેટલો વરસાદ વરસ્યો છે. જેમાં ખેડાના મહુધામાં સૌથી વધુ ૧૧ ઇંચ તેમજ ગલતેશ્વરમાં ૮ ઇંચથી વધુ વરસાદ વરસ્યો છે. આ ઉપરાંત ડેડિયાપાડા, છોટાઉદેપુર, ધ્રાંગધ્રા અને રાણપુરમાં ૬ ઇંચ થી વધુ વરસાદ વરસ્યો છે.
આ ઉપરાંત કઠલાલ, હારીજ, નડીયાદ, ધંધુકા, ગોધરા, જેતપુરપાવી, ઠાસરા, ઉમરેઠ, સરસ્વતી, વઢવાણ, આણંદ, ડેસર, જાંબુઘોડા, હાલોલ, ઉમરપાડા, કરજણ, આમોદ, ઘોઘંબા, પેટલાદ, હળવદ, સમી, બોટાદ, ચુડા, માંગરોળ, ધનસુરા, બરવાળા અને પાટણ એમ કુલ-૨૭ તાલુકાઓમાં ૪ ઇંચથી વધુ વરસાદ વરસ્યો છે. સાવલી, બોરસદ, બોડેલી, ડભોઇ, મૂળી, સોજીત્રા, ખંભાત, સુબિર, તારાપુર, મહેમદાવાદ, ગઢડા, તિલકવાડા, માતર, નાંદોદ, રાણપુર, થાનગઢ, કપડવંજ, વડોદરા, ગરૂડેશ્વર, દસાડા, વાગરા, લખતર અને વસો એમ કુલ ૨૩ તાલુકાઓમાં ૩ ઇંચથી વધુ વરસાદ થયો છે. જ્યારે ૩૭ તાલુકાઓમાં ૨ ઇંચથી વધુ, ૪૮ તાલુકાઓમાં ૧ ઇંચથી વધુ જ્યારે ૪૨ તાલુકાઓમાં અડધો ઇંચથી વધુ વરસાદ નોંધાયો છે.
