CSK vs MI: ઇન્ડિયન પ્રીમિયર લીગની 18મી સીઝનની ત્રીજી મેચ ચેન્નાઈ સુપર કિંગ્સ અને મુંબઈ ઇન્ડિયન્સ વચ્ચે CSKના હોમ ગ્રાઉન્ડ ચેપોક ખાતે રમાઈ હતી. એક મેચના પ્રતિબંધને કારણે, હાર્દિક પંડ્યા આ મેચમાં રમ્યો ન હતો અને તેના સ્થાને સૂર્યકુમાર યાદવે મુંબઈ ઈન્ડિયન્સનું નેતૃત્વ કર્યું હતું. તેમની કેપ્ટનશીપ હેઠળ, મુંબઈ ઈન્ડિયન્સે સિઝનની પહેલી જ મેચમાં હારનો સામનો કરવો પડ્યો હતો. મેચમાં ચેન્નાઈ સુપર કિંગ્સના કેપ્ટન ઋતુરાજ ગાયકવાડે ટોસ જીતીને પ્રથમ બોલિંગ કરવાનો નિર્ણય લીધો. પ્રથમ બેટિંગ કરતા મુંબઈની ટીમે 20 ઓવરમાં 9 વિકેટ ગુમાવીને 155 રન બનાવ્યા. મુંબઈ તરફથી તિલક વર્માએ સૌથી વધુ 31 રન બનાવ્યા. અંતે, દીપક ચહર 15 બોલમાં 28 રન બનાવીને અણનમ પાછો ફર્યો. ચેન્નાઈ તરફથી નૂર અહેમદે 4 વિકેટ લીધી. જ્યારે ખલીલ અહેમદે 3 વિકેટ લીધી. CSK એ આ લક્ષ્ય ૧૯.૧ ઓવરમાં પ્રાપ્ત કર્યું. ચેન્નાઈ તરફથી રચિન રવિન્દ્ર ૪૫ બોલમાં ૬૫ રન બનાવીને અણનમ રહ્યા. તે ટીમ માટે સૌથી વધુ રન બનાવનાર ખેલાડી હતો. તેમના સિવાય કેપ્ટન ઋતુરાજ ગાયકવાડે 26 બોલમાં 53 રનની શાનદાર ઇનિંગ રમી.
