Todays Recipe Onion Curry - ડુંગળીના આ શાક આગળ પનીરનુ શાક પણ લાગશે ફીક્કુ, મિનિટમાં થશે તૈયાર, જાણો કેવી રીતે બનાવશો ?

Onion Curry

ડુંગળી વગર કોઈપણ શાકમાં સ્વાદ અને ટેસ્ટ નથી આવતો. ડુંગળીનો ઉપયોગ શાકની ગ્રેવી અને સલાદ માટે કરવામાં આવે છે. શાકમાં ડુંગળીનો વધાર અને મસાલા સ્વાદને અનેક ગણુ વધારી દે છે. પણ શુ તમે ક્યારેય ડુંગળીનુ શાક ખાધુ છે ? તમને જાણીને નવાઈ લાગશે પણ ડુંગળીથી બનેલુ શાક તમને આંગળીઓ ચાંટવા મજબૂર કરી દેશે.  તેનો સ્વાદ એટલો સારો લાગે છે કે તેની આગળ પનીરના શાકનો સ્વાદ પણ ફીકો પડી જાય છે.  આવામા જો  તમારા ઘરમાં કોઈ શાક નથી તો તમે ફટાફટ ડુંગળીનુ શાક બનાવી શકો છો. ચાલો તમને બતાવીએ ડુંગળીનુ શાક કેવી રીતે બનાવવુ ?  

ડુંગળીનુ શાક બનાવવા માટેની સામગ્રી

4  નાની ડુંગળી, 6  મોટી ડુંગળી, કઢી લીમડો, 3  લીલા મરચાં, 1/2 ચમચી જીરું, 1/2 ચમચી સરસવ, સ્વાદ પ્રમાણે મીઠું, હળદર, 2 ચમચી તેલ, 1 ટામેટા, 1/2 કપ દહીં

ડુંગળીનુ શાક બનાવવાની રીત

ડુંગળીનુ શાક બનાવવા માટે, સૌપ્રથમ 6-7 ડુંગળી લો, તેને છોલી લો અને સ્વચ્છ પાણીથી ધોઈ લો. પછી તેને ખૂબ જ બારીક કાપો.

4 નાની ડુંગળી લો, તેને છોલી લો અને તેને ધોઈ લો. ગેસનો ચૂલો ચાલુ કરો અને તેના પર એક કઢાઈ મૂકો. ગેસ મધ્યમ તાપ પર રાખો.

હવે કઢાઈમાં 2  ચમચી તેલ ઉમેરો. તેલ ગરમ થાય ત્યારે, નાની ડુંગળીને સોનેરી થાય ત્યાં સુધી તળો. સોનેરી થાય ત્યારે તેને ઉતારી લો.

હવે કઢાઈને ફરીથી ચૂલા પર મૂકો. કઢાઈ ગરમ થાય પછી,  2 ચમચી તેલ ઉમેરો. તેલ થોડું ગરમ ​​થાય પછી, થોડા કઢી લીમડો, 1/2 ચમચી રાઈ, બારીક સમારેલા મરચા અને જીરું ઉમેરો.

જ્યારે તે આછા બ્રાઉન રંગના થાય, ત્યારે બારીક સમારેલી ડુંગળી નાખો. હવે ડુંગળીને પ્લેટ વડે ઢાંકી દો અને તેને સોનેરી થાય ત્યાં સુધી તળો. જ્યારે ડુંગળી ગોલ્ડન બ્રાઉન રંગની થાય, ત્યારે 1 સમારેલું ટામેટા ઉમેરો.

હવે ડુંગળીના શાકને ફરીથી પ્લેટ વડે ઢાંકી દો. 5 મિનિટ પછી, પ્લેટ કાઢી લો અને તેમાં હળદર, મીઠું, અડધો કપ દહીં અને 4 બ્રાઉન રંગની ડુંગળી નાખો.

હવે અડધો કપ પાણી નાખો અને કરીને પ્લેટ ઢાંકી દો જેથી તે રંઘાય. 7 થી 8 મિનિટ પછી, શાકને ફરીથી હલાવો.

સ્વાદ અને સુગંધ માટે કસુરી મેથી ઉમેરો. સ્વાદિષ્ટ ડુંગળીનુ શાક તૈયાર છે. ડુંગળીની શાકને રોટલી સાથે પીરસો અને તેનો સ્વાદ માણો.