યુએસમાં બુધવારે ન્યૂ ઓર્લિયન્સ કેનાલ અને બોર્બોન સ્ટ્રીટ પર ભીડ પર કાર ઘૂસી જતાં 10 લોકોનાં મોત થયાં હતાં અને 30 અન્ય ઘાયલ થયાં હતાં. શહેરની ઇમરજન્સી સજ્જતા એજન્સી નોલા રેડીએ આ માહિતી આપી હતી. ન્યૂ ઓર્લિયન્સ પોલીસે અગાઉ કહ્યું હતું કે તેઓ સામૂહિક જાનહાનિની પરિસ્થિતિનો સામનો કરી રહ્યા છે. નોલા રેડીએ લોકોને આ વિસ્તારથી દૂર રહેવાની સલાહ આપી છે. શંકાસ્પદની ધરપકડ અંગે હજુ સુધી કોઈ માહિતી બહાર આવી નથી. ન્યૂ ઓર્લિયન્સના મેયરે તેને આતંકવાદી હુમલો ગણાવ્યો છે.
ઘાયલોને હોસ્પિટલમાં કરવામાં આવ્યા દાખલ
ઘાયલોને પાંચ સ્થાનિક હોસ્પિટલમાં દાખલ કરવામાં આવ્યા છે. આ ઘટના ન્યૂ ઓર્લિયન્સમાં નવા વર્ષની ઉજવણીના અંતે બની હતી અને શહેરના સીઝર્સ સુપરડોમ ખાતે કોલેજ ફૂટબોલ ક્વાર્ટર ફાઇનલ, ઓલસ્ટેટ બાઉલની શરૂઆતના થોડા કલાકો પહેલાં જ બની હતી, જેમાં હજારો લોકોની હાજરીની અપેક્ષા હતી
આ આતંકવાદી હુમલો ન્યૂ ઓર્લિયન્સના મેયરે કહ્યું કે નવા વર્ષના દિવસે ભીડ પર કાર ઘૂસી જવાની ઘટના, જેમાં મોટી સંખ્યામાં જાનહાનિ થઈ, તે 'આતંકવાદી હુમલો' છે. ઘટનાસ્થળે હાજર લોકોએ જણાવ્યું કે એક ઝડપી વાહન આવ્યું અને ભીડ પર ચઢી ગયું. લોકોનું કહેવું છે કે એવું લાગે છે કે હુમલો જાણી જોઈને કરવામાં આવ્યો હતો. ન્યૂ ઓર્લિયન્સ પોલીસ વિભાગના પ્રવક્તાએ જણાવ્યું હતું કે પ્રારંભિક અહેવાલો સૂચવે છે કે એક વાહન લોકોના ટોળાને અથડાયું હતું. જો કે, જાનમાલના નુકસાનની હદનું યોગ્ય મૂલ્યાંકન કરવામાં આવ્યું નથી.
