આજની ફાસ્ટ અને ખરાબ જીવનશૈલીને કારણે વાળની અનેક સમસ્યાઓથી કોઈપણ સ્ત્રી અળગી રહી નથી. અત્યારે 10માંથી 9 સ્ત્રીઓને કોઈને કોઈ રીતે વાળની સમસ્યાઓ પજવી રહી છે. સામાન્ય રીતે દર મહિને વાળની લંબાઈ લગભગ 1.25 સેમી. વધે છે. પરંતુ જો તમારા વાળ ન વધી રહ્યા હોય કે વાળની કેટલીક સમસ્યાઓને કારણે વાળ લાંબા થતાં અટકી રહ્યા હોય તો આજે અમે તમને એવી પ્રાકૃતિક વસ્તુઓ વિશે જણાવીશું જે ખાસ વાળ માટે જ છે અને વાળ માટે વરદાન સમાન પણ છે. તો ચાલો આજે જાણી લો
જૈતુનનું તેલ
ઓલિવ ઓઇલનો પ્રયોગ ધણી રીતે કરવામાં આવે છે. વાળ માટે તે એક યોગ્ય વિકલ્પ છે. તે વાળને જડમૂળથી મજબૂત બનાવીને સ્વસ્થ રાખે છે. જૈતુનનું તેલ એક સારું કંડિશનર પણ છે. જેથી વાળ ઝડપથી વધે છે અને ખરતાં વાળને રોકી શકાય છે. ઓલિવને એક કલાકમાં વાળમાં લગાવી માલિશ કરો. થોડાક દિવસ આ રીતે જૈતુનના તેલથી માલિશ કરવાથી વાળની દરેક સમસ્યાથી છૂટકારો મળી શકે છે.
નારિયેલ તેલ
વાળમાં તેલ મસાજ વાળને લાંબા કરવા માટે બેસ્ટ કુદરતી ઉપાય છે. મસાજ કરતા પહેલા તેલને નવશેકુ ગરમ કર્યા બાદ વાળમાં મસાજ કરો. મસાજ કરવાથી માથામાં રક્ત સંચારમાં સુધારો આવ છે, જેથી વાળને પોષણ મળે છે. જેની સાથે જ વાળ મજબૂત અને ભરાવદાર થાય છે. જેના માટે નારિયેળ કેવનો ઉપયોગ કરી શકાય છે. સ્નાન કરતા પહેલા નવશેકા પાણીથી માથામાં તેલની માલિશ કરો. અડધો કલાક આ રીતે તેલ લગાવ્યા બાદ તેને બરાબર ધોઇ લો. અઠવાડિયામાં એક વાર ઓઇલ મસાજ કરવું જરૂરી છે. નારિયેલનું તેલ વાળ માટે ખૂબ લાભદાયી છે.
બદામનું તેલ
વાળમાંથી ખોડો અને શુષ્કતા દૂર કરવા માટે બદામના તેલથી માલિશ કરવી જોઇએ. તે સિવાય બદામના તેલથી માલિશ કરવાથી બરછટ વાળની સમસ્યાથી છૂટકારો મળે છે. બદામના તેલથી વાળ કાળા, લાંબા અને ચમકદાર બને છે. બદામનું તેલ એક કંડીશનરના રૂપમાં કામ કરે છે.
તલનું તેલ
તલના તેલમાં પૂરતા પ્રમાણમાં વિટામીન ઇ,બી કોમ્પ્લેક્ષ, કેલ્શિયમ, મેગ્નેશ્યિમ, ફોસ્ફરસ અને પ્રોટીન રહેલા છે. તલનું તેલ વાળથી જોડાયેલી દરેક સમસ્યાનું સમાધાન છે. જે વાળને અંદરની પોષણ આપીને તેને મજબૂત બનાવવાનું કામ કરે છે. તેમજ માથામાં ખોડાની સમસ્યા સહિત જુઓ દૂર કરવા માટે તલના તેલનો ઉપયોગ કરી શકો છો.
