Select Your Language

Notifications

webdunia
webdunia
webdunia
webdunia

ગુજરાત ટાઇટન્સે ખુલ્લી બસમાં મનાવ્યો જીતનો જશ્ન, રોડશો માં હજારોની ભીડ ઉમટી

ગુજરાત ટાઇટન્સે ખુલ્લી બસમાં મનાવ્યો જીતનો જશ્ન, રોડશો માં હજારોની ભીડ ઉમટી
, મંગળવાર, 31 મે 2022 (09:18 IST)
IPL 2022નું ટાઇટલ જીત્યા બાદ ગુજરાત ટાઇટન્સે સોમવારે રોડ શો યોજીને વિજયની ઉજવણી કરી હતી. આ દરમિયાન ગુજરાત ટાઇટન્સના કેપ્ટન હાર્દિક પંડ્યા હાથમાં ટ્રોફી લઈને આખી ટીમ સાથે ખુલ્લા વાહનમાં ચાહકોની વચ્ચે નિકળ્યા હતા. ટીમનો કાફલો જ્યાં પણ પહોંચ્યો ત્યાં ચાહકોની ભીડ જોવા મળી હતી. પૂર્વ નિર્ધારિત કાર્યક્રમ મુજબ ગુજરાતની ટીમ ચાહકોની વચ્ચે પહોંચી હતી.
webdunia
ગુજરાત IPL 2022માં પ્રથમ પ્લેઓફમાં સ્થાન મેળવ્યા બાદ હાર્દિકની ટીમ પણ ફાઇનલમાં પહોંચનારી પ્રથમ ટીમ બની છે. ટાઇટલ મેચમાં રાજસ્થાન રોયલ્સે રાજસ્થાન રોયલ્સને 7 વિકેટે હરાવીને IPL ટ્રોફી જીતી લીધી હતી. આ જીતનો હીરો કેપ્ટન હાર્દિક પંડ્યા હતો, જેણે તેના ઓલરાઉન્ડ પ્રદર્શનથી ફેન્સના દિલ જીતી લીધા હતા. બોલિંગમાં ત્રણ વિકેટ લેવાની સાથે હાર્દિકે 34 રનની મહત્વની ઇનિંગ પણ રમી હતી. આ ઓલરાઉન્ડ પ્રદર્શનના કારણે તેને મેન ઓફ ધ મેચનો એવોર્ડ આપવામાં આવ્યો હતો.
 
આ મોટી જીત બદલ ગુજરાતના મુખ્યમંત્રી ભૂપેન્દ્રભાઈ પટેલે હાર્દિકની ટીમનું સન્માન કર્યું હતું. તમને જણાવી દઈએ કે ગુજરાત ટાઇટન્સ અને લખનૌ સુપર જાયન્ટ્સને ગયા વર્ષે જ IPLનો ભાગ બનાવવામાં આવ્યા હતા. આ બે નવી ટીમોના પ્રવેશ સાથે, આ વર્ષે IPLમાં કુલ 10 ફ્રેન્ચાઇઝીઓએ ભાગ લીધો હતો.
webdunia
મેચોની સંખ્યા વધારીને 74 કરવામાં આવી હતી. મુંબઈ ઈન્ડિયન્સે આ સિઝનમાં હાર્દિક પંડ્યાને જાળવી રાખ્યો નથી. તેનો લાભ લઈને ગુજરાત ફ્રેન્ચાઈઝીએ તેને કેપ્ટન તરીકે નિયુક્ત કર્યો હતો. આશિષ નેહરાને મુખ્ય કોચ બનાવવામાં આવ્યો હતો.
 
ગુજરાતે ટાઈટલ જીતવાની સાથે જ હાર્દિક પંડ્યા આઈપીએલ ઈતિહાસનો ત્રીજો કેપ્ટન બની ગયો છે જેણે કેપ્ટન તરીકે પોતાની ડેબ્યૂ સિઝનમાં આઈપીએલ ટાઈટલ જીત્યું હોય. તેની પહેલા શેન વોર્ન અને રોહિત શર્માએ આ શાનદાર પ્રદર્શન કર્યું છે. ગુજરાતને ટાઈટલ જીતીને પાંચ વર્ષ બાદ આઈપીએલમાં નવો ચેમ્પિયન મળ્યો છે.
 
ગુજરાત ટાઇટન્સ અને રાજસ્થાન રોયલ્સ વચ્ચે IPLની ફાઇનલ નરેન્દ્ર મોદી સ્ટેડિયમમાં રમાઇ હતી. ટોસ જીત્યા બાદ રાજસ્થાનના કેપ્ટન સંજુ સેમસે પ્રથમ બેટિંગ કરવાનો નિર્ણય કર્યો હતો. કેપ્ટન હાર્દિક પંડ્યાએ પોતે બોલિંગની આગેવાની કરી હતી અને બટલર, સંજુ સેમસન સહિત 3 મહત્વની વિકેટ લીધી હતી. રાજસ્થાનની આખી ટીમ 130 રન જ બનાવી શકી હતી. જવાબમાં ગુજરાત ટાઇટન્સે 11 બોલ બાકી રહેતા લક્ષ્યનો પીછો કર્યો હતો અને 7 વિકેટે જીત મેળવી હતી. ગુજરાત ટાઇટન્સની આ પ્રથમ સિઝન હતી અને પ્રથમ સિઝનમાં પણ ટીમ પોઈન્ટ ટેબલમાં ટોચ પર રહી હતી અને ટાઈટલ જીતીને ફાઇનલમાં પ્રવેશ કર્યો હતો.

Share this Story:

Follow Webdunia gujarati

આગળનો લેખ

બરેલીમાં મોટો અકસ્માતઃ એમ્બ્યુલન્સ અને કેન્ટર વચ્ચે અથડામણમાં 7ના મોત, CM યોગીએ શોક વ્યક્ત કર્યો