કોરોનાના નવા ઓમિક્રૉન વૅરિયન્ટના ડરને પગલે મહારાષ્ટ્ર સરકારના આરોગ્યવિભાગ દ્વારા વિદેશથી આવેલા લોકોની તપાસ કરાઈ રહી છે.
છેલ્લા 15 દિવસમાં આફ્રિકા સહિતના 'હાઈ-રિસ્ક' ધરાવતા દેશોમાંથી આવેલા છ મુસાફરોના કોરોના રિપોર્ટ પૉઝિટિવ આવ્યા છે.
ટાઇમ્સ ઑફ ઇન્ડિયાના અહેવાલ પ્રમાણે, આ છ દર્દીઓ પૈકી મંગળવારે મળી આવેલા એક દર્દીની વય અંદાજે 40 વર્ષ છે. જોકે આ દર્દી ઓમિક્રૉન વૅરિયન્ટની સંક્રમિત ન હોવાનું સત્તાધીશો દૃઢપણે માને છે.
બીએમસીના અધિક કમિશનર સુરેશ કાકાણીએ ટાઇમ્સ ઑફ ઇન્ડિયાને જણાવ્યું હતું કે, "અમે તેમના નમૂનાને વિશેષ આરટીપીસીઆર ટેસ્ટ માટે મોકલ્યા હતા. જેમાં આ વૅરિયન્ટની હાજરી ન હોવાનું સામે આવ્યું હતું."
