દિલ્હીમાં કોંગ્રેસને મળેલી સ્પષ્ઠ બહુમતી શિલા દીક્ષિતને આભારી છે. તેઓ એક શક્તિશાળી મહિલા નેતા છે. દિલ્હીમાં ઘણા વિવાદોમાં તેમની સંડોવણી હોવા છતાં દિલ્હીની જનતાએ તેમને સતત ત્રીજી વખત ચૂંટીને તેમના પ્રામાણીક કાર્યશીલતાનું ઉદાહરણ આપ્યુ છે.
રાજસ્થાનમાં વિધાનસભાની ચૂંટણીને કોંગ્રેસને સફળતા અપાવવામાં ચાવીરૂપ ભૂમિકા અદા કરનાર અશોક ગેહલોત અગ્રણી રાજકીય નેતા તરીકે સામે આવ્યા છે. તેઓ રાજસ્થાનના મુખ્યમંત્રી પદના પ્રબળ દાવેદાર છે. સૌથી વધુ સભાઓ રાજસ્થાનમાં તેમણે જ યોજી હતી.
લોકસભાની સેમી ફાઇનલ સમી વિધાનસભાની ચૂંટણીના જાહેર થયેલા પરિણામોએ ભાજપીઓને આત્મમંથન માટે મજબૂર કર્યા છે. છેલ્લા વર્ષમાં દેશ ઉપર આવેલી કેટલીય વિટંબણાઓની વચ્ચે કોંગ્રેસે એક સારી રાજકીય રમતનો પરચો આપ્યો છે.
