ઉત્તર ગુજરાતમાં મહેસાણા જિલ્લામાં સિંચાઇ અને તળાવો ભરવા માટેની પાઇપ લાઇન યોજનાનો ઉપરાષ્ટ્રપતિ વેંકૈયા નાયડુના હસ્તે શિલાન્યાસ કરાયો હતો. રૃ. ૧૨૪૩ કરોડની આ યોજનાથી ઉત્તર ગુજરાતના ૧૮૩૩૦૦ એકર વિસ્તાર જમીનને સિંચાઇનો લાભ મળશે. આ યોજનામાં જેને લાભો થવાના છે તેમાં મહેસાણા અને ગાંધીનગર જિલ્લાના કલોલ, માણસા, કડી, વિજાપુર, વડનગર અને ખેરાલુ તાલુકાનાં ગામોનો સમાવેશ થાય છે. આ યોજના થકી ૮ જિલ્લાનાં ૨૬ તાલુકાનાં ૪૫૩ ગામ તળાવોને પાઇપ લાઇન સાથે જોડી દઈ તેને નર્મદાના નીરથી છલકાવી દેવાશે. આ પ્રસંગે ઉપરાષ્ટ્રપતિ વેંકૈયા નાયડુએ જણાવ્યું હતું કે ગામડાઓનો વિકાસ કર્યા સિવાય શહેરોનો વિકાસ શક્ય નથી. ગુજરાતી ભાષા ખુબ જ મીઠી છે. ગુજરાતનાં લોકો પણ મીઠા છે. ગુજરાતી ખાવાનું પણ મીઠું છે. જેથી મારા ગુજરાતીઓ સાથેના સંબંધો મીઠી લાગણીથી બંધાઈ ગયા છે.
