ગુજરાતના વિવિધ શહેરોમાં દરોડા દરમિયાન, ગંભીર રોગોની સારવારમાં વપરાતી રૂ. 17.5 લાખની કિંમતની નકલી એન્ટિબાયોટિક્સ જપ્ત કરવામાં આવી હતી અને તેની સાથે સંકળાયેલા ચાર લોકોની અટકાયત કરવામાં આવી હતી.
અધિકારીઓએ રવિવારે આ જાણકારી આપી. ફૂડ એન્ડ ડ્રગ કંટ્રોલ એડમિનિસ્ટ્રેશન (FDCA) એ એક રિલીઝમાં જણાવ્યું હતું કે આમાંના કેટલાક લોકો 'અનામી' કંપનીઓના તબીબી પ્રતિનિધિઓ (MRs) તરીકે કામ કરતા હતા અને ડોકટરોને નકલી દવાઓ સપ્લાય કરતા હતા.
તેમાં કહેવામાં આવ્યું છે કે એફડીસીએના અધિકારીઓએ નડિયાદ, સુરત, અમદાવાદ અને રાજકોટ જેવા વિવિધ શહેરોમાં દરોડા પાડ્યા હતા અને નકલી દવાઓ જપ્ત કરી હતી. "ગંભીર રોગોની સારવારમાં ઉપયોગમાં લેવાતી રૂ. 17.5 લાખની નકલી દવાઓ અમદાવાદ અને અન્ય શહેરોમાંથી જપ્ત કરવામાં આવી છે," ગુજરાત FDCA કમિશનર HG કોસિયાએ જણાવ્યું હતું.
