સતત 11 અઠવાડિયાના ઘટાડા પછી, ભારતમાં આ અઠવાડિયે ફરીથી કોવિડ-19 કેસમાં વધારો જોવા મળ્યો. દિલ્હી, હરિયાણા, ઉત્તર પ્રદેશ અને આજુબાજુના રાજ્યોમાં છેલ્લા સાત દિવસમાં ચેપના વધારા સાથે કેસોની સંખ્યામાં 35% નો વધારો જોવા મળ્યો છે.
જો કે, કુલ કેસોની સંખ્યા ઓછી છે અને અત્યાર સુધીમાં, વધારો ત્રણ રાજ્યો સુધી મર્યાદિત છે. પરંતુ આ વધતા આંકડાએ ચિંતા વધારી છે. ટાઈમ્સ ઓફ ઈન્ડિયાના કોવિડ ડેટાબેઝ મુજબ, ભારતમાં રવિવાર (એપ્રિલ 11-17)ના રોજ પૂરા થયેલા સપ્તાહમાં લગભગ 6,610 નવા કેસ નોંધાયા છે, જે છેલ્લા સાત દિવસમાં 4,900 હતા.
અગાઉ છેલ્લા અઠવાડિયામાં લગભગ 7,010 કેસ નોંધાયા હતા. પરંતુ આ વખતે કેરળના આંકડા સામેલ નથી. કારણ કે રાજ્યએ ચાલુ સપ્તાહથી કોવિડ ડેટા જાહેર કરવાનું બંધ કરી દીધું છે. કેરળમાં ગયા અઠવાડિયે (4-10 એપ્રિલ) 2,185 કેસ નોંધાયા હતા.
રવિવારે દિલ્હીમાં કોવિડ-19ના 517 નવા કેસ નોંધાયા હતા અને ચેપનો દર 4.21 ટકા નોંધાયો હતો. આરોગ્ય વિભાગ દ્વારા જારી કરાયેલા બુલેટિન મુજબ, શહેરમાં આજે કોરોના વાયરસના ચેપને કારણે કોઈનું મોત થયું નથી.
