બિહારના હાજીપુરમાં ગુંડાગીરી અને બર્બરતાની એક ભયાનક ઘટના સામે આવી છે. લગ્નની ઉજવણીમાં ડાન્સ કરી રહેલી યુવતીઓએ ગામના તોફાની બદમાશોને એકસાથે ડાન્સ કરતા અટકાવ્યા તો બદમાશોએ 10 વર્ષની માસૂમ બાળકી પર પેટ્રોલ રેડીને તેને જીવતી સળગાવી દીધી. આ ઘટના બરાંતી પોલીસ સ્ટેશન વિસ્તારના બહુઆરાની છે.
ઉલ્લેખનીય છે કે રાજપકડના બહુઆરામાં બુધવારે રાત્રે એક લગ્ન સમારોહ માટે લગ્નની જાન નીકળી રહી હતી. દરવાજા પર મોહલ્લાની યુવતીઓ વરોઘોડાની વિદાયમાં ડાંસ કરી રહી હતી.
આ દરમિયાન ગામના કેટલાક તોફાની છોકરાઓ ડાન્સ કરતી છોકરીઓની વચ્ચે પહોંચી ગયા અને ડાન્સ કરવાનો પ્રયાસ કરવા લાગ્યા. જ્યારે છોકરીઓએ ડાન્સના બહાને ફ્લર્ટિંગ કરતા છોકરાઓનો વિરોધ કર્યો ત્યારે નજીકના વિસ્તારના તોફાની છોકરાઓ ત્યાંથી ચાલ્યા ગયા.
આ પછી જ્યારે લોકો ત્યાંથી વરઘોડા સાથે નીકળી ગયા તો રાત્રિના એકાંતનો લાભ લઈને એ બદમાશ છોકરાઓએ એક છોકરીને પકડીને પેટ્રોલ નાખીને જીવતી સળગાવી દીધી. ઘાયલ યુવતીને હાજીપુર સદર હોસ્પિટલમાં દાખલ કરવામાં આવી છે
ઘટનાની માહિતી મળતાની સાથે જ પોલીસ હોસ્પિટલ પહોંચી અને દર્દથી રડતી યુવતીનું નિવેદન નોંધ્યું. આગમાં દાઝી ગયેલી છોકરી માત્ર 10 વર્ષની છે અને ધોરણ 6ની વિદ્યાર્થીની છે.
આગમાં ખરાબ રીતે દાઝી ગયેલી બાળકીએ પોલીસને જણાવ્યું કે બાજુના ગામડાના ભાઈએ તેને પાછળથી પકડીને પેટ્રોલ નાખીને આગ ચાંપી દીધી હતી. આ સમગ્ર મામલાને લઈને મહુઆના એસડીપીઓ પૂનમ કેસરીએ જણાવ્યું કે લગ્ન સમારોહમાં ડાન્સ કરવાને લઈને નજીકના મહોલ્લાના છોકરાઓ સાથે ઝઘડો થયો હતો.
આરોપી છોકરાઓએ બદલો લેવાના ઈરાદે આગ ચાંપવાની ઘટનાને અંજામ આપ્યો છે, પ્રાથમિક તપાસમાં પોલીસે તોફાની છોકરાઓ સાથે ડાન્સ કરવા બદલ છોકરીઓ સાથે મારામારી થઈ હોવાની વાતને સમર્થન આપ્યું છે, ઘટના સ્થળે.સળગેલા કપડા અને કેરોસીન જેવી વસ્તુઓ પણ મળી આવી હતી. જણાવી દઈએ કે ઘટનામાં સામેલ આરોપીઓ ફરાર છે. પોલીસે આ મામલામાં આરોપીઓ વિરુદ્ધ એફઆઈઆર નોંધી છે અને આરોપીની શોધમાં ઘણી જગ્યાએ દરોડા પાડ્યા છે.
