Marriage Proposals: ગ્વાલિયર જિલ્લામાં એક એવું ગામ છે જ્યાં રસ્તા જેવી મૂળભૂત બાબતોના અભાવે યુવાનોના લગ્ન નથી થઈ રહ્યા. ગામના યુવાનોના કોઈ પિતા તેમની પુત્રીના લગ્ન કરવા તૈયાર નથી. આ જ કારણ છે કે ગામના લગભગ 4 ડઝન યુવાનો 40 વર્ષની ઉંમર વટાવી ગયા છે અને લગ્નનો કોઈ પ્રસ્તાવ ન મળવાને કારણે વૃદ્ધાવસ્થાના ઉંબરે પગ મુકી ચૂક્યા છે.
નયાગાંવના યુવાનોના લગ્નમાં સૌથી મોટો અવરોધ બની ગયેલા રસ્તા માટે ગામલોકોએ ઘણી વખત વિરોધ પણ કર્યો છે, પરંતુ સફળતા મળી નથી. રસ્તાના અભાવે ગામ તરફ જતા રસ્તા ઘણીવાર પાણીમાં ડૂબી જાય છે, જેના કારણે છોકરીના પિતા નયાગાંવના યુવાનો સાથે લગ્ન કરવામાં અચકાય છે.
ગામમાં 150 પરિવારો છે, જ્યાં 45 યુવાનો વટાવી ચૂક્યા છે 40 વર્ષની ઉંમર
આ મામલો જિલ્લાના ભીતરવાર વિસ્તારના નયાગાંવનો છે, જ્યાં અભિગમ માર્ગના અભાવે યુવાનો લગ્ન નથી કરી રહ્યા. લગભગ ૧૩૦૦ વસ્તીવાળા ગામમાં લગભગ 150 પરિવારો રહે છે, જ્યાં 45 યુવાનો કુંવારા છે. લગ્નના પ્રસ્તાવ ન મળવાને કારણે 45 યુવાનો ચાલીસ વર્ષની ઉંમર વટાવી ગયા છે તે મોટી વાત છે.
ગામલોકોએ ચૂંટણી દરમિયાન મતદાનનો પણ કર્યો બહિષ્કાર
નોંધનીય છે કે નયાગાંવમાં એપ્રોચ રોડના અભાવે નેતાઓને ઘણી વખત ગામલોકોના રોષનો સામનો કરવો પડ્યો છે, પરંતુ નેતાઓએ હજુ સુધી ધ્યાન આપ્યું નથી. આ જ કારણ છે કે તાજેતરની વિધાનસભા ચૂંટણી દરમિયાન ગામલોકોએ પણ મતદાનનો બહિષ્કાર કર્યો હતો, પરંતુ હજુ સુધી ગામમાં રસ્તો કે પુલ બનાવી શકાયો નથી.
એક યુવાને નામ ન આપવાની શરતે કહ્યું કે મારા જેવા ડઝનબંધ યુવાનો વૃદ્ધ થઈ રહ્યા છે, પરંતુ લગ્ન નથી કરી રહ્યા. જો કોઈ પિતા પ્રસ્તાવ લઈને આવે છે, તો પણ રસ્તાના અભાવે તે પાછો ફરે છે. સરકાર, વહીવટીતંત્ર અને નેતાઓ અમારી તરફ કોઈ ધ્યાન આપતા નથી.
ગામનો મુખ્ય રસ્તો વરસાદની ઋતુમાં પાણીના ખાબોચિયાથી ભરાઈ જાય છે. ગ્રામજનોના મતે, ગામથી ભીતરવાડ જવા માટે બે રસ્તા છે, પરંતુ બંને રસ્તા નકામા છે. મુખ્ય રસ્તો કાચો છે અને વરસાદની ઋતુમાં ઘણીવાર પાણીના ખાબોચિયાથી ભરાઈ જાય છે. તેમણે જણાવ્યું કે થોડા વર્ષો પહેલા સરકારે પ્રધાનમંત્રી ગ્રામ સડક યોજના હેઠળ કિથોંડા ગામ થઈને ભીતરવાડ જવા માટે એક રસ્તો બનાવ્યો હતો, પરંતુ તે લાંબો રસ્તો છે.
ચોમાસામાં 3 મહિના માટે તૂટી જાય છે શહેર સાથે સંપર્ક
ગ્રામજનો બતાવે છે કે ચોમાસાના દિવસોમાં નયાગામ જનારા બંને રસ્તા બંધ થઈ જાય છે. ગ્રામીણ હરિઓમ કુશવાહ કહે છે કે વરસાદની ઋતુઅમં 3 મહિના માટે અમારો શહેર સાથે સંપર્ક તૂટી જાય છે. ગામમાં એંબુલેંસ પહોચી શકતી નથી. સમય પર સારવાર ન મળવાથી અનેક ગામમાં મોત થઈ ચુક્યા છે.
વિધાનસભા ચૂંટણી 2023માં નયાગામના ગ્રામીણોએ એપ્રોચ રોડને લઈને મતદાનનો બહિષ્કાર કર્યો હતો. ત્યારે સત્તા પક્ષ અને વિપક્ષ બંને દળોના નેતાએ ચૂંટણી પછી માર્ગ બનાવવા માટે આશ્વાસન આપ્યુ હતુ. પણ ચૂંટણી પરિણામો પછી નયાગામની કોઈ નેતાએ ખબર લીધી નથી.
દરેક ઘરમાં કુંવારા બેસ્યા છે યુવાનો, લગ્ન માટે નથી આવી રહ્યા માંગા
રિપોર્ટ મુજબ નયાગામમાં એપ્રિચ રોડની સમસ્યા કોઈ નવી નથી. પણ તેના નિરાકરણ માટે ગ્રામજનો લાંબા સમયથી ફક્ત રાહ જ જોવી પડી રહી છે. પોતાની સમસ્યાના સમાધાનને લઈને ગ્રામીણોએ રસ્તામાં ભરેલા પાણીમાં જ ઉભા રહીને જળ સત્યાગ્રહ સુધી કરી ચુક્યા છે. પણ સમાધાન ન મળ્યુ. માર્ગ યુવાઓના લગ્ન પણ નથી થવા દઈ રહ્યુ, જેનાથી ઘેર ઘેર કુંવારા જોવા મળી રહ્યા છે.
