મહારાષ્ટ્રના નાંદેડમાં એક મેડિકલ ઓફિસર પર તેમની ઓફિસમાં હુમલો કરવામાં આવ્યો હોવાનો વીડિયો સામે આવ્યો છે. શહેરના કૌથા વિસ્તારમાં આવેલી મ્યુનિસિપલ હોસ્પિટલના મેડિકલ ઓફિસર બાલાપ્રસાદ કુંતુરકર પર એક મહિલા કર્મચારીને હેરાન કરવાનો આરોપ મૂકવામાં આવ્યો છે.
આ આરોપ બાદ, મહિલા કર્મચારીના સંબંધીઓ તેમની ઓફિસમાં ઘૂસી ગયા અને તેમના પર હુમલો કર્યો. આ ઘટના છ દિવસ પહેલા બની હતી અને આ વીડિયો હવે વાયરલ થઈ રહ્યો છે. મહિલા ફરિયાદ નિવારણ સમિતિએ આ મામલાની તપાસ શરૂ કરી છે.
